Accessibility links

дүшәмбе, 5 декабрь 2016, Казан вакыты 15:33

Ankara höcüm itü qararına qadär, säyäsi mömkinçeleklärne sınıy


Törkiä Tışqı eşlär ministrı, Ali Babacan bügen Ğiraq başqalasına kötelmägän säfär belän bardı. Babacan, Ğiraq çiklärendäge körd ğisyaçı höcümnärenä qarşı qatıraq çaralar kürügä çaqıru maqsatında, Ğiraq räsmiläre belän oçraştı.Atna axırında, çik buyına yaqın Hakkari yaqınnarında 12 ğaskärineñ ülemenä kitergän höcümnäñ soñ, Törkiäneñ Tönyaq Ğiraqtağı körd bazalarına qarşı xärbi çaralar kürü ixtimalı aldınnañ, säyäsi mömkinçeleklär sınala.

Kiçä yasağan belderüendä, Tışqı eşlär ministrı Ali Babacan, tönyaq ğiraqtağı ğisyançı noqtalarğa xärbi höcüm yasar aldınnañ böten säyäsi mömkinçelärne qarap çığaçaqbız dide. Şul uq waqıtta ul, ägär dä bu fayda kitermäsä, Törkiäneñ Tönyaq Ğiraqqa körd ğisyançılarnı beterü maqsatı höcüm yasawdan tartınmayaçağın açıq itep äytte.

“Bez hiç şiksez xäzergäçä berençe bularaq gel säyäsi kileşü häm söyläşülärgä ähämiät birdek. Monnañ soñ saylanaçaq yul da älbättä tağın bu bulaçaq. Läkin terrorğa qarşı köräşneñ berdän ber yulı barı tik säyäsi çaralar kürü tügel. Xärbi çaralar kürü dä älbättä terror belän köräştä ber usıl. Tabiğiy ki, ul qullanıla alaçaq ısullardañ berse dä.”

Törkiäneñ, Ğiraqnıñ könyağındağı, avtonom Kördestan tübägendä xärbi çaralar kürüe, Ğiraqta totırıqsızlıq tudıraçağı xäwefe bar.

Babacan bügen, PKK mäsäläse xaqında, Ğiraq Premierı Nuri Äl Maliqi häm çığışı belän körd bulğan ilneñ tışqı eşlär ministrı Hoşiyar Zebari häm başqa räsmilär belän dä oçraştı

Ğiraq tışqı eşlär ministrı Hoşiyar Zebari, oçraşu axırında yasağan, çığışında:

"PKK belän bergä, bez ber nindi törkemgä yäisä patiaga, bezneñ Törkiä belän ikele mönäsäbätlärebezne bozuına yul birmiyäçäkbez. Min Babacannı, Ğiraqnıñ bu qurqınıçnı xäl itü maqsatında, Törkiägä äwzem yärdäm kürsätäçägen äyttem”

Tışqı eşlär ministrı, Babacan Ğiraqta säyäsi söyläşülär alıp barğan çaqta, Törkiä premierı Räcäp Tayyip Erdoğan da, Londonda ide. Ul, ike il arasındağı strategik xezmättäşlek mäsäläläreñ söyläşte. Erdoğan, Terornıñ xalıqara ber mäsälä buluın, bu mäsäläne yaxşı belgän Britaniä Törkiyäneñ xäleñ añlar dip ömet itäkänen äytte. Erdoğan Tönyaq Ğiraq çigenä bulaçaq ixtimal höcüm mäsäläsenä DÄ basım yasap, monıñ maqsatın qabat iskä töşerde:

Parlament qabul itkän röxsät qararınıñ maqsatı barı tik terorizm belän köräş, monı qabat xäterlätäm. Bez qardäşebez dip qabul itkänebez Ğiraq xalqınıñ awır könnärendä gel bergä idek. Hiçşiksez monnañ soñ da Ğiraq yanda bulırğa däwam itäçäkbez, Ğiraqınñ cir häm säyäsi bötenlege tıqşınu kebek ber niätebez yuq.” Ankara, Tönyaq Ğiraqta yaqınça 3 meñ PKK suğışçısı bar dip däğwä itä.

AQŞ däwlät sekretarı Condaleezza Rice, kiçä qabat Törkiäne üz başına çaralar kürmäskä çaqırdı.

“AQŞ Ğiraqtağı berektäşläre häm Törkiäge belän Tönyaq Ğiraqtağı teror belän bäyle bik qatlawlı mäsäläne, çişü öçen berlektä eşlärgä qararlı. monıñ öçen dä bergäläp mäğlümät alışırğa häm bergä xezmättäşlek kiräk.”

Tönyaq Ğiraq, 2003nçe yılda AQŞ Ğiraqqa kergännäñ birle totırıqlıqnı saqlağan siräk töbäklärneñ berse.

PKK AQŞ häm Yewropa berlege tarafınnañ terorist törkemnär isemlegenä kertelgän. 1984nçe yıldañ birle, PKK yasağan höcümnärdä hälaq bulğan keşe sanı 35 meñnäñ artıq.
XS
SM
MD
LG