Accessibility links

якшәмбе, 4 декабрь 2016, Казан вакыты 04:56

Törkiä xärbiläre - PKK: köçlär tigezme?


Törkiä, xärbilären häm cihazların, PKK (Kördestan Eşçe Partiası) partizanların yuq itü maqsatında, ixtimal ber höcüm äzerlege öçen Tönyaq Ğiraq çigenä tuplıy başladı. Törkiäneñ NATO standarlarında cihazlandırılğan häm hawa köçe belän köçländerelgän yarım million ğaskäre, köçle armiäse bar. Şul uq waqıtta PKKnıñ da, Ğiraqta 6 meñläp ciñel qorallı suğışçısı bar. Läkin töbäkneñ tawlı buluı arqasında, suğışu şartları bik çiten.

Törkiä, keçkenä läkin yılğır köçektäñ iza çikkän suqır ayu kebek. Ayu köçekne niçä tapqır ciñä alırlıq köçkä iä, läkin citez doşmanın ciñär öçen köçle ber höcüm buldıralmıy.

Bu oçraqta köçek PKK, 1984 yılınnañ birle ul, Könyaqkönçığış Törkiädä körd däwläte tözü ömete tırışlığı belän, Törkiägä qarşı yıllardır suğışqan terorist oyışması.

1999nçı yılda, PKK citäkçese Abdullah Öcalan, qulğa alınğannañ soñ, törkem qoral taşlawnı iğlan itkän ide. Läkin çağıştırmaça tağın da iminräk bulğan Tönyaq Ğiraqta urnaşqan PKK, 2004nçe yıldan başlap qorallandı, häm çaraların yaña baştan arttırdı.

Soñgı waqıtta bik qanlı höcümnär buldı. Bu ayda ğına, 40lap Törkiä xärbiye üterelde häm qalğan 8 ğaskäri isä, totıq itep alınğan dip farazlana.

Xalıqara Xärbi kiñäşçe, Alexandra Ashbourn, Radiobızğa yartı millionlıq xärbiye belän köçle Törkiä armiasınıñ, çik buyındağı taşlıq taw cirlärendä köräşü çiten bulaçaq dide.

“Monda problem şul ki, suğışu usılları bötenläy başqa. Ber tarafta partizan suğışçılar ikençe tarafta räsmi ğaskärlär, aralarındağı cihazlanu häm suğışı täcribäläre dä bütänçä. PKK belän Törkiä xärbiye arasındağı ayırma, ber uq şartlarda suğışmawları.”

Ashbourn, tawlı cirlärdä, Törkiäneñ iä bulğan zamança cihazlar`, tanklar yäisä awır qorallar bu oçraqta ällä üzenä ällä ni faydası bulmayaçaq. Çönki partizan suğışı barğan tawlıq cirlärdä, kübräk partizannar ısulında suğışu möhim. Ä Törkiäneñ yäş ğakärläre bu ısulda äzerlänmägän, dip añlata wäzgiätne Ashbourn.

“Ber yaqta PKK suğışçısı, bolay qarğanda teknik yaqtan cihazlanmasa da, yaxşı öyrätelgän, disipline köçle häm üz eşendä osta”

Klasik partizan köräşendä töp qağidä, nindi şartta bulsa bulsın yözgä-yöz suğışudañ qaçu, häm kötelmägändä höcüm yasap doşmannıñ oyaqlığın yuğaltuına kiterü.

Salqın qışnıñda yaqınayuı, ike taraf öçen dä xällärne awırayta. Läkin PKK hiç yuğı, suğış urınnarı belän tanış, qayda yäşerenäse qayga barıp qaçası urınnarın uç tübe kebek yaxşı belä. Ul ğına tügel töbäktäge Ğiraqlı kördlär, PKKlılarğa uñay mönäsäbättä tora, bu şartlar isä Törkiä ğaskärisenä qağılmi.

Älegä, höcüm aldınnañ däyäsi siolog däwam itä. Bu uñaydañ kiçä Törkiäneñ Tışqı eşlär ministrı Ali Babacannıñ Bağdadqa yasağan kötelmägän säfäre näticäsez tügel. Çığışı belän üze dä körd bulğa Ğiraq tışqı eşlär ministrı Xoşiyar Zäbani kiçä, PKK kebek törkem häm partizannarnıñ ike il mönäsäbätlären naçaraytuına yul birmiyäçäklären, PKK problemı belän köräştä, yärdäm itöçäklären beldergän ide. Bu yärdämneñ qaysı däräcädä bulaçağı älegä belgesez. Xärbi yärdäm bulğan oçraqta da, bu şartlar da, tawlı cirlärdäge PKKnı qısu, Ğiraq öçen Törkiägä qarağanda ällä ni añsatraq bulmayaçaq kebek kürenä.
XS
SM
MD
LG