Accessibility links

якшәмбе, 4 декабрь 2016, Казан вакыты 19:33

Vilnius utırışında, Yäşeren keşe taşu mäsäläse qarala


“Yäşeren keşe taşunı tuqtatu, aña qarşı çaralar häm çişeleş yulları” Bu bügen Litvanıñ başqalası Vilnius şähärendä barğan xalıqara cıyınnıñ iseme. 2 kön däwam itäçäk cıyılış, Yewropa iminlek häm xezmättäşlek oyışması, Litva xökümäte häm BMOnıñ narkotik häm Cinayätçelek bülege tarafınnañ berlektäoyıştırıla. Cıyılışta, keşe taşunı kisätügä qarşı matbuğat çaralarınıñ qullanıluı mäsäläse häm başqa temalar qaralaçaq.

Bu konferensiäsenıñ Vilnius şähärendä uzdırıluı oçraqlı tügel. Litva Tışqı Eşlär Ministrlığınnañ, Oskaras Jusys, Litvanıñ, Yewropa Berlegeneñ dä çige buluın äytä. Litvanıñ Belarus, Rusiä belän çige bar. Bu ike ildäñ Könbatış yewropa illärenä taşılğan keşelär berençe Litva aşa ütälär.

“Litva keşe taşuçılarnıñ transit ütkän illärdäñ berse. Geografik urnı säbäble il Transit bularaq qullanıla, şuña da bu cıyılış bu illärdäñ bersendä uzdırıluına qarar itelde. Maqsat barı tik iğtibarnı bu temağa tartu tügel, şul uq waqıtta bu tiskäre yoğıntığa qarşı çaralar kürü öçen başqalar belän fiker urtaqlaşu.”

Yewropa iminlek häm xezmättäşlek oyışmasınıñ yäşeren keşe taşunı kisätü wäkillegeneñ yuğırı kiñäşçese, Vera Gracheva, Yäşeren keşe taşu digändä, yışqına yarlı illärdäñ könbatış illärenä faxişälekkä alıp kiterelgän keşelär aqılğa kilä di,

"Bez anıñ böten törlär xaqında söylibez. Faxişä bularaq eşlätüçelär me yäisä awır eşlärdä eşlärgä mäcbür itüçelär me, köçläp öyländerergä teläwçelär, xäyer soraşuçılıqnı oyışturu diseñ me, anıñ bik küp törläre bar."

Cıyılışta, matbuğat çaralarıñ bu köräşkä qarşı qullanunıñ ähämiätenä tuqtala. Wazgiätne barlıq yaqları belän añlatıp birmäyençä, barı tik xisle äkiätlär söyläw belän genä känäğatlänü citmäs di Gracheva.

Bu cıyılışqa Litva jurnalistläre genä tügel, törle illärdäñ kilgän matbuğat ähelläre dä qatnaşa.

Gracheva, cıyılışta matbuğat mäsäläsennäñ başqa, arzan eşçelek taläplären kimetü, kebek temalarda qaralaçaq di,

Qanunsız keşe taşu, Yewropa Berlege eçendäge illär arasında da zur problem di Gracheva, fäqirräk bulğan illärdäñ, könbatışqa äybäträk eş tabırğa kitä xalıq.

Älbättä bu eşdäñ, taşuçılar faydalana. Jusys, küpkenä könbatışta awır häm aqçası äz eşlärdä eşlägän Litvalılar, pasportları cinäyätçelär tarafınnañ alına häm axırda, ber nindi dokumentsız häm aqçasız qalalar di.

2008nçe yılnıñ Ğinvar ayınnañ başlap bu xällär tağın da qatlawlanaçaq. Çönki Yewropa Berlegenä yaña quşılğan illärneñ Schengen kileşüenä kirüe belän çiklär beterelä. Bu da taşuçılarnıñ, Yewropa Berlege illäre arasındağı eşeñ tağın da ciñeläyäçäk.
XS
SM
MD
LG