Accessibility links

пәнҗешәмбе, 8 декабрь 2016, Казан вакыты 09:08

Izrail, Qtıaynı İranğa çikläwlär kertergä künderä alırmı?


Izrail Tışqı Eşlär Ministrı Tzipi Livni, bügen, İranğa qarşı iqtisadi çikläwlär kertü çaraların söyläşü öçen Qıtayğa kilde. Läkin, Premier Wen Jiabaonı bu mäsälädä künderü öçen aña küp köç sarıf itärgä kiräk bulaçaq. İl mänfäğatlärenä tiskäre yuğıntı yasayaçağın uylağan Qıtay, mondıy iqtisadi çikläwlärgä baştan uq qarşı. Livnineñ säfäre, AQŞnıñ İrannı Atom programın tuqtatu öçen kürgän çaralarınıñ ber öleşe. Waşñton, İrannıñ atom programnın, atom bombası äzerläw maqsatında qullanaçağın däğwä itä.

Tzipi Livnineñ söyläşü taqdime, Qıtay citäkçelärene tarafınnañ cılı qarşılandı. İranğa tağın da awırraq çikläwlär kertü maqsatında bulaçaq bu söyläşülärneñ axırında ällä ni fiker üzgärmäs kebek tora.

Qıtay Tışqı eşlär ministrığı süzçese, Liu Jianchao, ütkän comğa İranğa kerteläçäk çikläwlärne niçek bäyälisez digän sorawğa bik qısqa häm kisken cäwap birde. Liu, Qıtay, moña gel qarşı bulaçaq, mondıy qırıs çikläwlär kertü, eşne tağın da qatlawlandıraçaq qına dide.

İran Qıtaynı yağulıq belän tä’min itkän 3nçe zur il. Qıtay, iqtisatta töp maqsat bulğan tizräk üseş öçen, kiräk bulğan yağulıqnıñ tuqtamiy tämin itelüe yullarıñ rätkä salırğa teli .Pekin Tehran belän bäyläneşne betermäs öçen bu eştän baş tartırğa äzer.

Livni aldında ber genä çara qala. Premier Wen JiaBao belän tışqı eşlär ministrıñ Wan Jiechine ozın möddätle, İransız ber - energiä çığanağı tabarğa etärü.

AQŞ häm aña berektäş illäre, yaqınkönçığışta Atom qoralı bulğan ber il buluına yul birmäyäçäklären gel äytep toralar. Barlıq mänfäğatlär ber yaqqa, Töbäkneñ näq urtasında, yaña atom köçenä iä bulğan ber İranğa, Qıtaynıñ da mänfäğatenä bulmıyaçaq älbättä.

Bügen Qıtay Xalıq Universitetında çığış yasağan Livni, BMO iminlek şurası tarafınnañ alınğan ber qararnı urtaqlaşıp qabul itüneñ ni qadär ähämiätle buluna basım yasadı.

"Qıtay, BMO, İminlek Şurası äğzäse bularaq, İranğa tä’ser itü köçe bar. Çikläwlärne nığıtu mäsäläsendä BMO İminlek şurası eçendä urtaq fiker bulırğa tiyeş. Häm här berse anıñ aldında torırğa tiyeş."

İzrail belän Qıtay arasındağı säyäsi bäyläneşlärgä inde 15 yıl. Monnañ tış, İzrail Prmyerı Ehud Olmertneñ äti-äniseneñ 2nçe Dönya suğışı başlanır aldınnañ Yewropadañ Qıtayğa küçep kilüläre häm Qıtayda küpmeder ğomer itüläre, ike il arasında bu bäyläneşne tağın da arttırğan mäğnäwi ber mizgel.

Olmert, bu yıl başında XinHua xäbär agentlığına bergän ber äñgämäsendä, qıtaylılarğa qarşı bulğan Zur ixtiram turında äytep, ğailä tormışında Qıtaynıñ zur ber mirası buluı turında söyläde.
XS
SM
MD
LG