Accessibility links

шимбә, 10 декабрь 2016, Казан вакыты 11:48

Tolyatti avtobusındağı şartlawda 8 keşe hälak buldı, 50-dän artıq keşe yaralandı


Tolyattida çärşämbe irtäsendä xalıq tulı şähär avtobusındağı şartlaw näticäsendä 8 keşe hälak buldı, 50-läp keşe yaralandı dip xäbär itelde. Tikşerüçelärneñ töp farazı - terror ğämäle. Başqa mömkinleklär dä qarala. Avtovaz urnaşqan Tolyatti şähärendä cinayätçel törkemnär arasında da bäreleşlär yış bulıp tora.

Irtän Azatlıqnıñ Tolyattidağı xäbärçese Karl Marx belän Yuriy Gagarin uramnarı kiseşkän urında 7 tulıp 17 minutta avtobus şartladı dip xäbär itte.

Cirle xakimiätlär äytüençä, 8 keşe hälak bulğan, 50-dän artıq keşe yaralanğan. Häm alar şähärneñ 3 xastaxanäsenä iltelgän. Yaralanuçılar isemlegendä tatar isem-familiäle 4-5 keşe dä bar.

Mäskäwdän dä Toyattiğa tikşerüçelär törkeme kilgän. Mäskäwdäge Rusiä baş prokuratura idaräsennän tikşerü komitetı wäkile Vladimir Markov äytüençä, waqıyğa urınında tikşerüçelär törkeme eşli. Tikşerüdä ğämäli yardäm häm citäkçelek itü öçen prokuratura tikşerü komitetı räise Aleksandr Bastrıkin citäkçelegendäge üzäk idarä tikşerüçeläre dä kitkän.

Ölkä gubernatorı Vladimir Artyakov Tolyattida jurnalistlarğa "Bu waqıyğağa bäyle ştab oyıştırıldı. Anı Federal Iminlek Xezmäteneñ Samar ölkä idaräse başlığı citäkli. Bu waqıyğağa bäyle terrorçılıq, üterü häm röxsätsez şartlatqıç yasaw turında cinayät eşläre açıldı" dide.

FSBnıñ Samar ölkä idaräse başlığı Yuriy Rojin xätta avtobusta bombanı intixarçı şartlatqan bulırğa mömkin dip belderde.

Barlığı isä tikşerüçelär 3 mömkinlekne qarıy. Terrordan qala monıñ Tolyattidağa cinayätçel törkemnär arasında küptännän kilgän üzara höcümnär belän dä bäyle bulu, yäki şartlatqıç belän saqsız eş itü näticäse bulu mömkinlege dä tikşerelä.

Şartlatqıçnıñ nindi bulğanlığı älegä tögäl bilgele tügel. Ul 2 kilogram trotil quätendä bulğan dip farazlana.

Xäbärçebez Şamil Bahautdin äytüençä qurquğa töşkän xalıq arasında küpsanlı raslanmağan imeş-mimeşlär tarala, küp kenä keşelär cämäğät transportına utırırğa qurqa.

Şartlaw qorbannarın iskä alu öçen 1-nçe noyäber Samar ölkäsendä matäm köne dip iğlan itelde.

Naif Aqmal
XS
SM
MD
LG