Accessibility links

якшәмбе, 11 декабрь 2016, Казан вакыты 14:51

Gruziä xaqimiäteneñ, Rusiä xärbilären ildäñ çığaru tırışlıqları däwam itä


Çärşämbe könne, Gruziäle milisiä xezmätkärläreneñ, Abxaziä belän Gruziä arasındağı iminlek noqtasında Rusiä tınıçlıq saqlaw xärbiläre tarafınnañ qiynaluı waqıyğasınnañ soñ, bügen Gruziä Parlamentı Rusiä tınıçlıq saqlaw köçläreneñ töbäktän kitüe waqıtın belgeläw öçen xökümätkä basım yasıy. Kiçä, Gruziä Parlament süzçese Nino Burjanadze, xökümät räsmi bularaq, Rusiä tınıçlıq köçläreneñ wazifaların betüen belderergä tiyeş dip äytkän ide.

Burjanadze, xoquq citäkçeläre, saqlanu, tışqı eşlär häm eçke eşlär ministrları belän söyläşülärdän soñ ul, Gruziä şulay uq Rusiä tınıçlıq saqlaw xärbiläre urnına, BMO köçlären urnaştırunı sorarğa tiyeş dide.

Gruziäneñ BMOdağı wäkile, İrakli Alasania bügen matbuğat çaraları belän oçraşıp, xökümätneñ, Tınıçlıq saqlaw wazifasın, Rusiä xärbiläre urnına BMO qaramağındağı başqa ber köçkä tapşırulıun soraw niätläre buluın belderde. Ul Parlamentneñ, xökümätkä qarşı xärbilärneñ kitü möddäten belgeläw öçen basım yasaluın belderde:

“Bez BMOnıñ tınıçlıq saqlaw çaraları bülege häm İminlek şurası wäkelläre belän, elgäre xärbilekne kire cibärü häm anıñ urnına yañanı urnaştıru proseslären qarap çığabız. Kiñäşü waqıtında bu täqdimgä qarşı şura wäkelläreneñ küpçelege uñay qaraşta tordı, xäzer inde monıñ törle cähätläre häm anıñ niçek başqarılaçağı turında kileşergä qaldı.”

İlçe, bügen häm irtägä dä bu mäsälä xaqında, BMOnıñ yuğarı räsmiläre belän bergä, tınıçlıq saqlaw urınbasarı belän dä kiñäşäçägen belderde.

‘Bez ğaskärlärne urnaştıru aldınnañ ber nindi şart quyuluın telämibez. Qarıyaçaqbız. Berençe adım bularaq xäzerge xälne öyränü bulaçaq. Nigä mondıy ber waqiyğa kilep çıqtı, nigä tärtipsezlek tuqtatılsa da töp mäsälälärdä, 14 yıl buyı äle ber näticägä kilenmi, digän sorawlarğa analizläw bulaçaq.”

Abxaziadağı Bäysez Däwlätlär Berdämlege tınıçlıq saqlaw çaralarınıñ uñışsız buluınıñ ber säbäbe, Alasania uylawınça, alarnıñ xärbi wazifanı ğına başqaruı belän bäyle. Alıştırğanda, tärtep häm iminlek saqlaw mäsäläläre dä xäl itelergä tiyeş dide, BMOdağı Gruziä ilçese İrakli Alasania.

Aradağı nizaqnı çişü yulında, BMO tırışlığı hiçşiksez möhim, läkin Gruziä monıñ belän çiklänmi, Abxaziä wäkelläre belän dä söyläşülär bara. İraqlı, Gruziä belän Abxaziä arasında bulğan sonğı söyläşülär uñay häm mäsälägä çişeleş tabu yünäleşendä ömetle ide dide.
XS
SM
MD
LG