Accessibility links

шимбә, 10 декабрь 2016, Казан вакыты 10:04

Ğädättäñ tış xäl idäräsendä Möşärräf oppozisiägä qarşı basımnı arttırdı


Paqstan xaqimiäte, kiçä Prezident Pärwäz Mäşärräf tarafınnañ iğlan itelgän, ğadättäñ tış xäl idaräsenä qarşı rizasızlıq kürsätkän opozisiä citäkçeläre belän xoquq aktivistlärenä qarşı bügen çaralar kürä başladı.

Oppozisiä Möselman ligası süzçese, Ahsan İqbal, “polisiä tañ aldınnañ qarşılıq kürsätkän ber niçä distä yuğarı citäkçelärebez belän xezmätkärlärebezne qulğa aldı” dip belderde.

Partia urınbasarı, Cavit Haşmi, öyendä qulğa alındı, ä säyäsätçe İmran Xan isä öy sağına alındı.

Tärtep saqlaw köçläreneñ, Paqstan Keşe Xoquqları Baş urınbasarın da qulğa alğanı xäbär itelä.Paqstan Premyerı Şäwkät Ğaziz “idarägä qarşı çıqqan 400 belän 500 arasında keşe qulğa alındı" dip belderde. Möşärräf, kiçä konstituñtsiä häm ğomum keşe xoquqların köçen tuqtatıp, ildä ğadättän tış xäl iğlan itkän ide. Ul şul uq waqıtta, Yuğarı Mäxkämä başlığı başqası belän alıştırdı.

Advokatlar häm oppozisiä partiäläre İrtägä il küläm protest çaraları başlarğa cıyına. Şul uq waqıtta, 2 köndän birle xosusi TV kanallarınıñ tuqtatıluına qarşı, jurnalistlärneñ dä piketkä çığıu kötelä. Tege yaqtan Möşärräfneñ bu xäräkäten dönya illäre tänqit belderä. Möşärräf xalıq aldında yasağan çığışında, Ğadättän tış xäk iğlan itüeneñ säbäben, ildä barğan ekstremist häm terrorçılıqnıñ artuına qarşı alınğan ber çara bularaq açıqlağan ide.

"Min şaxsän, üz ışanıçım belän häm barlıq xaqiqatnı salıp, bügen barğan çaralarnı Paqstan öçen intixar bularaq küräm häm min bu ilneñ ber intixarğa qorban kitüenä yul birmäm.”

Ğadättäñ tış xäl iğlan itelgännäñ soñ, xärbilärneñ başğqala İslamabadta urnaştırıluı, xosusi TV Kanalları tapşırularınıñ tuqtaluı häm tilifun elemtäseneñ köpçelegeneñ üzelgän buluı xäbär itelä.

XS
SM
MD
LG