Accessibility links

дүшәмбе, 5 декабрь 2016, Казан вакыты 03:42

PKK qulğa alğan 8 Törkiä ğakärisen azat itte


Törkiäneñ Anadolu xäbär agentlığı, Tönyaq Ğiraqtağı ğisyançı PKK terorist törkeme tarafınnañ uzğan ay axırında, Törek xärbiläre belän bulğan bäreleş waqıtında qulğa alınğan 8 Törek xärbiyeneñ azat itelüen belderde.

Xärbilärneñ azat itelüe, Ğiraq xaqimiäteneñ kiçä çik buyında nizaq çığaruda cäwaplı Körd partizan başlıqlarınıñ tabılıp, qulğa alınaçağın belderüennän soñ buldı. Ğiraq xaqimiäte, Törkiäneñ çik aşa zur operasiä ütkärenüen totqarlaw öçen mondıy qararğa kilgän ide. Azat itü şul uq waqıtta, Törkiä Premyerı Räcäp Tayyip Erdoğan belän, AQŞ prezidentı George Bush arasında, tönyaq Ğiraqta PKKğa qarşı bulası ixtimal operasiä söyläşülärünnän ber kön alda buldı. Uzğan ay, PKK partizannarı Ğiraq çigenä yaqın cirdä, 12 ğaskärine ütergän, 8 xärbiye isä urlap kitkännär ide.

Bu höcüm Törkiädä zur tawış quptarğan, Tönyaq Ğiraqtağı PKK partizannarı bazalarına qarşı höcüm oyıştıru öçen xökümätkä qarşı basımnarnı arttırğan ide.

XS
SM
MD
LG