Accessibility links

Sarkozy säfäreñ, Amerika küñelen yawlıyaçığına wäğdä birep başladı


Fransiä prezidentı, Nikolas Sarkozy, Amerika säfären däwam itä. Ul wäkillär polatı häm Aqyortta söyläşülär alıp bara. Sonınnañ ul, Prezident Bush belän, Amerikanıñ berençe prezidentı George Washington öyenä baraçaq. Sarkozy üz ilendä, Amerikan säyäsätenä häm mädäniätenä bulğan qızıqsınuı öçen Amerikan Sarkozy dip atala. Sarkozyneñ Bush idaräsenä qarşı mönäsäbäte, elgärese Jaques Chiracnınqınnan küpkä ayırılıp tora. Küzätüçelärdäñ berse isä, bu yıraq säfär, iğtibarnı Fransiä häm Amerika arasındağı urtaq kileşengän noqtalarğa cälep itärlek waqiyğa di.

Sarkozy bu säfäreneñ maqsatın, matbuğat çaraları aldınnan bik açıq häm qısqa itep açıqlatı:

“Min Waşiñtonğa bik ğadi ber maqsat belän kildem. Min fransuz xalqınıñ telägen citkeräm. Min Amerikanıñ küñeleñ yañadañ yawlarğa telim, min ozın möddätkä, Amerikan xalqınıñ küñeleñ yawlarğa kildem.”

Läkin bu, Fransiä, Amerika belän böten mäsälälärdä kileşä digän süz tügel. Şulay bu yulı mönäsäbät başqaçaraq bulır dide ul.

“Bez kiläşäbez me, yuqmı bu ayrı mäsälä… Läkin bez dus qalaçaqbız, çönki bez ber uk ğailä äğzalarıbız. Häm bez ğailä eçendä kileşmäw mäsäläsendä kileşä alsaqta, bez dus qalırbız.”

Aradağı urtaqlıqlar häm ayırmalıqlar qaysı mäsälälär närsä häm ähämmiäte ni däräcädä? Bu xaqta fikerlären beleşer öçen bez, Waşiñtondağı Demokratia İnstitutı başlığı, Patrick Bashamğa möracağat ittek.

Fransiä belän Amerika arasında, global cılınu häm Ğiraq suğışı kebek mäsälälärdä fiker ayırmalıqları bar.

“Älbättä, Sarkozy belän Bush Ğiraq mäsäläsendä bergä utırıp söyläşmäde. Sarkozy anda barğan xällärgä gel qarşılıq kürsätte. Läkin anıñ ber niçä yıl elek kürsätkän mönäsäbäte belän bügengese ber uq bulaçağın uylamim. Häm bälkidä Sarkozyneñ säyäsi şaxsiäte öçen möhim ber mäsälä bulsa da, xaqiqatta, Bush idaräse belän aranı bozası da kilmi. Şuña da ul bu mäsälädä Bush xaqimiätenä xalıq aldında tänqiyt beldermäyäçäk.”

Monnañ qala, Yaqın könçığış, İzrail-Fälästen nizağı mäsälälärendä qarşılıq küzgä çağıla, Fransiä Fälestengä teläkdäşlek beldersä, AQŞ İzrailne kübräk yaqlıy.

Ä İran häm anıñ atom tırışlılıqları mäsäläse isä ike tarafnı küpkä yaqınaytqan, fiker berdämlegenä kitergän töp mäsälälärdän berse.

“İrannıñ, xäzerge citäkçelege bulğanda, Atom qoralına iä buluı, Fransiä tarafınnañ qabul itelä almaslıq xäl.”

Basham, Bush Ğiraq suğışı arqasında, xalıqara häm il küläm säyäsi täsereneñ küp öleşen yuğalttı. Häm bu mizgeldä, Fransuz citäkçeneñ möhim qaysı ber mäsälälärdä, yaqlawı aña köç biräçäk. Häm şuña da Sarkozy Bushnı yaqlarğa teli di Basham.
XS
SM
MD
LG