Accessibility links

Кайнар хәбәр

Yämäğät palatahına kemdär bara


Respublikala räsmi terkälgän yämäğät oyoşmaları, milli-mäźäni üźäktär wäkildäre töbäk yıyılışı uźğarźı. Unda İźel buyı okruğındağı ijtimaği oyoşmalarźıñ Tübänge Novğorodta ütäsäk konferentsiyahına deleğattar haylandı. Bıl konferentsiyala Räsäy yämäğät palatahına ağzalar haylanasaq.

Äle Başqortostandan yämäğät palatahında ber genä wäkil- profsoyuzdar federatsiyahı etäksehe Ämerxan Sämerxanov. Öfölä ütkän ultırışta 50 oyoşma wäkile qatnaşıp ular arahınan 20 delegat haylandı. Räyeslek iteüse Zöfär Enikeev isemlekte iğlan iteü menän zalda rizahıźlıq başlandı. Eş şunda- Yämäğät palatahına elägeü mömkinlege alğan 20 delegattıñ barıhı la tierlek yäştär oyoşmalarınan, hönäri berlektärźän. Mäśälän Başqortostan pionerźarı oyoşmahı, yäş jurnalistar berlege, Spartak oyoşmahı. Xatta Başqortostandıñ İslam miraśtarı häm Başqortostandıñ ruxi miraśı oyoşmaları la isemlekkä inderelgän. Älbittä Başqorttar qoroltayı keüek milli üźäktär, Qatın-qıźźar berlege väkildäre bınıñ menän kileşergä telämäne. Ularźı tınıslandırıu ösön Ämerxan Sämerxanov Tübänge Novgorod yaqın yul tügel, arıta, avtobusta äyźä yäştär yöröhön tip tä ögötläne. İsemlek üźgärmäy şul kileş qaldı. Barmaq aşa eşlängän yämäğät palatahınıñ ilgä käräge ni tiklem ikän huñ tigän horau tıua. Etmähä unıñ älegä tiklem binahı la, İnternetta säxifähe lä yuq

Bötä donya başqorttarı qoroltayı başqarma komitetı räyese Rumil Aźnabaev fekerensä, Yämäğät palatahında ildäge barlıq millät wäkildäre lä bulırğa teyeş. Şunhıź unıñ fayźahı şik aśtında.

XS
SM
MD
LG