İrannıñ könbatış rayonnarınnañ berse bulğan Borucärddä, Şiğiylär yöri torğan Än-Näbi mäçite, Nimatullah Gonabade Xösäyniäse dip tanılğan sufilär yortı belän yänäşä urnaşqan.
Şiğiy din wäkilläre, sufiçelekne islamda qaralmağan ber yünäleş bularaq tamğalap belderü yasağan ide. Mondıy belderügä açu beldergän sufilär isä şiğiy möçetenä şimbe könne höcüm oyıştıra. Yäkşämbe kön isä, polisiä häm maxsus köçlär sufi yortın urap ala. Moña qarşılıq kürsätkän Sufilär belän polisiä arasında çıqqan bäreleştä yaqınça 80 keşeneñ yaralanuı turında xäbär itelä. Sufi yortınıñ ber öleşe räsmi idarä tarafınnan cimerelgän.
Läkin Borucärddä bulğan waqiyğanı sufilär başqaça añlata. Alar äytüençä, sufi xäräkätenen Borucäd xalqı arasında, bigräk yäşlär arasında populärläşä başlawı Şiğiy din ähellären açulandırğan. Şulay uq, İran xäqimiäte häm polisiä tarafınnañ sufi yortın cimerü maqsatında mondıy ber ğaybät taratıldı dip belderä sufilär.
İsemen äytergä telämägän ber sufi, radiobızğa bu waqıyğanı bolay añlattı:
“Citäkçelek tarafınnañ, “sufi ruxaniläre än-Näbi mäçetenä höcüm yasap, andağı din ähellären yaraladı” digän ğaybät taratıldı. Bu ğaybät isä polisiä üç alu öçen ber säbäp buldı. Şähär ätrafında, köçlärne cıyğan polisiä, keşelärne dä üzlärenä iyärtep, xösäyniägä yağni sofilär yortına höcüm oyıştırdılar. Başta alar taş häm tayaqlar belän höcüm yasadılar, annarı yort tübäsen cimerep yortnıñ eçenä kerergä tırışqan da, därwiş häm sufilar alarnı kerüenä röxsät itmäde, qarşı tordılar. Annañ soñ alar, küz yäşe häm tomanlı gaz bombaları belän tağın höcümgä totındı. Şulay itep alar Xösäyniägä kerep, anı urap aldı. Yortnı yağıp cimerdelär. Alar bu ğamälläre belän, üzlärençä sufilärne bu dini ışanıçları öçen cazalarğa tırıştılar.”
Borucäd waqiyğalarına ber atna elek, İran mädäniät ministrı, “Şiğiy idarä hökem itkän ildä, sufiçılıqnıñ taratıluına urın yuq” digän belderü yasalğan.
Sufi häm şiğiylär arasında, kiyerenkelek bolay da bar ide. Qaysı ber küzätüçelär qaraşınça, 28 yıl elek İran İslam cömhüriäte qorılu belän, sufi törkemnärenä bulğan tolerantlıq kimegän.
Uzğan yıl başlarında, Qom şähärendä dä Sufi yortın yabarğa kereşkän polisiä belän sufilär arasında bulğan bäreleştä, İran xaqimiäte tarafınnañ meñnäñ artık keşe qulğa alınğan ide. Qom şähärendäge sufi törkeme dä şul uq Nimatullahi Gonabadigädeneke ide.
Şiğiy din wäkilläre, sufiçelekne islamda qaralmağan ber yünäleş bularaq tamğalap belderü yasağan ide. Mondıy belderügä açu beldergän sufilär isä şiğiy möçetenä şimbe könne höcüm oyıştıra. Yäkşämbe kön isä, polisiä häm maxsus köçlär sufi yortın urap ala. Moña qarşılıq kürsätkän Sufilär belän polisiä arasında çıqqan bäreleştä yaqınça 80 keşeneñ yaralanuı turında xäbär itelä. Sufi yortınıñ ber öleşe räsmi idarä tarafınnan cimerelgän.
Läkin Borucärddä bulğan waqiyğanı sufilär başqaça añlata. Alar äytüençä, sufi xäräkätenen Borucäd xalqı arasında, bigräk yäşlär arasında populärläşä başlawı Şiğiy din ähellären açulandırğan. Şulay uq, İran xäqimiäte häm polisiä tarafınnañ sufi yortın cimerü maqsatında mondıy ber ğaybät taratıldı dip belderä sufilär.
İsemen äytergä telämägän ber sufi, radiobızğa bu waqıyğanı bolay añlattı:
“Citäkçelek tarafınnañ, “sufi ruxaniläre än-Näbi mäçetenä höcüm yasap, andağı din ähellären yaraladı” digän ğaybät taratıldı. Bu ğaybät isä polisiä üç alu öçen ber säbäp buldı. Şähär ätrafında, köçlärne cıyğan polisiä, keşelärne dä üzlärenä iyärtep, xösäyniägä yağni sofilär yortına höcüm oyıştırdılar. Başta alar taş häm tayaqlar belän höcüm yasadılar, annarı yort tübäsen cimerep yortnıñ eçenä kerergä tırışqan da, därwiş häm sufilar alarnı kerüenä röxsät itmäde, qarşı tordılar. Annañ soñ alar, küz yäşe häm tomanlı gaz bombaları belän tağın höcümgä totındı. Şulay itep alar Xösäyniägä kerep, anı urap aldı. Yortnı yağıp cimerdelär. Alar bu ğamälläre belän, üzlärençä sufilärne bu dini ışanıçları öçen cazalarğa tırıştılar.”
Borucäd waqiyğalarına ber atna elek, İran mädäniät ministrı, “Şiğiy idarä hökem itkän ildä, sufiçılıqnıñ taratıluına urın yuq” digän belderü yasalğan.
Sufi häm şiğiylär arasında, kiyerenkelek bolay da bar ide. Qaysı ber küzätüçelär qaraşınça, 28 yıl elek İran İslam cömhüriäte qorılu belän, sufi törkemnärenä bulğan tolerantlıq kimegän.
Uzğan yıl başlarında, Qom şähärendä dä Sufi yortın yabarğa kereşkän polisiä belän sufilär arasında bulğan bäreleştä, İran xaqimiäte tarafınnañ meñnäñ artık keşe qulğa alınğan ide. Qom şähärendäge sufi törkeme dä şul uq Nimatullahi Gonabadigädeneke ide.