15 noyaber könne New Yorkta dönyanıñ iñ mäşhür 75 xatın-qızı cıyılaçaq. Alar arasında Finlandiä prezidentnı Tarja Halonen, Yaña Zelandiä, Kanada, Niderland premyer-ministrları, şulay uq bıyıl ğına wazifalarınnan kitkän Latviä häm İrlandiä prezidentları...Xanımnar dönyada iminlek buldıru turında söyläşäçäk. Mondıy zur külämdä häm bu temağa xatın-qızlar sammitı tarixta äle berençe tapqır ütkärelä... Uzğan yıl dönya xatın-qızları iminlek öçen digän täqdim belän ike yıllıq ber proyekt başlağan ide. İminlek digändä biredä – terror qurqınıçı da, global cılınu da, afrikadağı açlıq häm qorılıq ta küz aldında totıla. Üz illärendä idarä itä alğan bu täcribäle säyäsätçe xanımnar şulay itep ciñ sızğanıp global problemalarnı çişügä alındı. Atna kiç könne açılaçaq 3 könlek cıyınnıñ köntärtibenä küz salabız menä...terrorism turında citdi söyläşü kötelä ikän...Ğadättä xalıqara sammitlarda – terror häm aña qarşı köräş yulları tikşerelä.. Xatın-qızlar isä başta terrornıñ qaydan häm ni öçen çığuı turında söyläşep – anı buldırmaw yulları turında üz fikerlären täqdim itärgä cıyına... Dönyada iñ tanılğan citäkçe xatın-qızlarnıñ iminlekkä bağışlanğan berençe sammitında möselman xatın-qızları da qatnaşaçaq... bez bu cıyınnıñ eşen küzäterbez, xörmätle tıñlawçılar.. iñ qızıqlı fikerlärne sezgä dä citkererbez...20nçe ğasır başında uq – xatın-qızlar xoquqları öçen köräşkän ingliz yazuçısı Virginia Woolf süzläre bügenge köndä dä bik aktual. 100 yıl elek bulğanı kebek xatın-qızlar här eşkä – "bez eşlämäsäk kem eşläsen" digän şiğär belän alına.