Accessibility links

Кайнар хәбәр

Äfğanstan: İntixar höcemendä, balalar ni säbäble hälaq bulğan?


BMOnıñ cirle xisabında, bu ay başında ber törkem äfğan deputatına qarşı bulğan intixarçı höcümdä, küp keşeneñ xälaq buluına tän saqçılarının ut açuınıñ säbäbçe buluı belderelä. Läkin Äfğan xökümäte bu belderüne älegä tanımi.

6nçı Noyabrda, Äfğanstannıñ Bağlan wilayätendä, parlament wäkillärenä qarşı yünälderelgän höcüm, Äfğan tarixındağı iñ zur intixarçı höcüm bularaq telgä alındı.

Bu köndä 77 keşe hälaq buldı. Ülgännär arasında 6 deputat häm mäktäp balaları bar ide. Alardan qala bu faciğadä 100läp keşe dä yaralandı.

Bu atna, Associated Press mäğlümät agentılığınıñ BMO iminlek xisabınnan kitergän yazmasında, qorbannarnıñ ülüenä bombaçılar ğına ğayeple tügel diyelä. Bu atna çıqqan xisapta, BMOnıñ iminlek häm saqlanu bülege, ülüçelär sanıñ artuına, bomba şartlağannañ soñ, deputatlarnıñ tän saqçıları tarafınnan, basıp torğan keşelärneñ kem buluına qaramıyça, wayımsızça ut açıluı säbäbçe buluı farazlanıla. Anda, şul uq waqıtta fabrika açılışına qatnaşqan deputatlarnı sälämnär öçen kilgän balalarnın da yaqın atışlarda qorban kitüe xaqında äytelä.

Äfğan xökümäte belän Äfğan parlamentı intixar höcümen tikşerü eşlären başladı. Läkin, Äfğanstan eçke eşlär süzçese, Zmary Bashari Azatlıq radiosına, Äfğan xökümäte tikşerenü näticäse belän BMO xisabınıñ tängäl kilmäwe turında äytte.

"Bezgä kilgän mäğlümatlarğa qarağanda, deputatlarnıñ tän saqçıları bomba şartlağannan soñ ut aça başlağan. Läkin dälillär alarnıñ hawağa taba ut açuın häm utnıñ keşelärgä yünälderelmäwen kürsätä. Ülgän häm yaralanğan keşelärdäge yarada, mıltıq eze tügel, anda bomba qaldıqları bulğan. "

Xaqiqattä, höcümdä niçä keşeneñ xälaq buluı häm bularnın niçäsenen atudan ülgäne älegä täñgäl belenme. Läkin ülgän 77 keşeneñ häm yaralanğan 100 keşeneñ 3tän ike öleşeneñ qoral belän atıp üterelüenä ışanıla.

Xisapta, niçä keşenen niçek ülüenä qaramastañ, qorallanğan saqçılarnın cıyılğan xalıq aldında, qoralsız keşelärne, qaramiça häm belä torıp ut atuı turında belderelä.

BMOnıñ Äfğanstandağı Yärdäm köçe süzçese Adrian Edwards, radiobızğa, Äfğan parlamentı häm xökümäteneñ urtaq qararğa kilüne kötülären belderde.

“Äfğanstanda bu-eşe waqiyğalarnı öyränü öçen BMO ber niçä idaräse bar. İminlek häm Saqlanu bülege, BMO öçen eşlägän keşelärneñ iminlegen qayğırta. Ğadi xalıq ülgän oçraqta, keşe xoquqları sıyfatında küzätäbez. Häm waqiyğalarnı öyränü öçen xökümät dälillärenä dä küz salabız, waqiyğanı alar aşa añlarğa tırışabız. Mondıy waqiyğalarnı öyränü öçen törle ısullar qullanıla.”

Edwards, BMO soñgı näticälärne räsmi bularaq beldererme, bu xaqta älegä qararğa kilenmäwe turında äytte.
XS
SM
MD
LG