Accessibility links

чәршәмбе, 7 декабрь 2016, Казан вакыты 15:36

Qazaqstanda xaqimiät internetnı awızlıqlarğa cıyına


Qazaqstan xaqimiäte internettäge bar mäğlümätne üz kontrolı astına alırğa omtılıu tırışlığı turında xäbär itelä. Bu xäbär mädäniät häm mäğlümät ministrı Ermöxämät Ertisbayev belän bäysez jurnalistlär oçraşqannañ soñ mäğlüm buldı. Ministr, qazaq internet çeltärendäge mäğlümät ireklegen qısu yulında urtaq fikergä kilü öçen söyläşülär alıp barıluı xaqında äytte. Läkin söyläşülärgä qatnaşuçılar, qaysı temalarnı yaqtırtıp bula qaysıların yuq digän mäsälälärne söyläşkändä üzlären basım astında buluların xis itkännären belderä. Ertisbayev isä, internetne rätkä salu maqsatında xaqimiätkä kübräk çaralar kürergä quşa.

İnternet mäğlümätlären kontrol astına alu öçen söyläşülär bara. Söyläşülär, xäzerge häm elekke Qazaqstan xaqimiäte räsmiläreneñ telefon-äñgämäläre ütkän ay niçä oppozisiä web saxifälärendä çığuınnañ soñ köntärtebenä meñde. Bu yazmalar arasında xättä räsmilärneñ qanunsuz häm äxläqsız eşlär xaqında äñgemäläre saqlanğan.

Bu yazmalarnıñ kem tarafınnañ yazdırıluı xaqında mäğlümät yuq. Şulayda, bik küplär bu eşneñ oçında, wazifasınnañ quılğan Räxat Aliyevneñ buluına ışana. Räxat ilneñ elekke däwlät iminlek başlığı häm prezidentnıñ elekke kiyäwe bula ide.

Mädäniät häm mäğlümät ministrı Ermöxämät Ertisbayev, belän internetkä maqalä elü qağidälärendä cıyılışqa qatnaşqan - bäysez matbuğat jurnalistları wäkilläre belän öleşçä kileşüläre xaqında belderde.

Läkin, internettäge 3 oppozisiä web saxifäse, Respublika, Taszhargan häm Vzglyat möxärrirläre, uquçılarına bu cıyılış maqsatınıñ yazma xoquqlarına tıqşınu tırışlığı buluı turında xäbär itte.

Qazaqstan jurnalistları berlege başlığı, Säyetğazi Mataev, Ertisbayev; matbuğat çaraların bigräktä Qazaqstannıñ tanılğan räsmiläre belän bulğan telefon-äñgämä yazmalarınıñ qazaq internet saxifälärendä urnaştıruğa çikläw kertü öçen basım yasaw tırışlığında bulğanıñ äytte.

Älegä telgä alıngan audio yazmaların internetkä urnaştırğan inkar.info säxefäseneñ baş möxarrire, Sergey Duvanov, Ertesbayev bu qararıñ bolay yuradı

“Bu oçraqta ul, İnternette qanun bozuğa qarşı yomşaq çaralar kürü xaqında söyli. Häm monıñ buş süz ikäne añlaşıla da. Prezidentnıñ elekke kiyäwi waqıtında Avstriadä ilçe bularaq eşlägän Raxat Aliyev, prezident Nazarbayevkä qarşı ide. Näticädä bu bäxäslälär xaqimiättägelärne internetnı qaysı oçraqta totqarlap yäisä rätkä salu eşenä etärde.”

Bügen yabıq eşeklär artında barğan cıyılışnı Kazakh Today gazetası, Ertisbayevnıñ “Qazaqstannıñ internet qırındağı qağiydäläredä belgelänergä tiyeş” digän süzläre belän añlattı.

Qazaq xaqimiätläre, Räxät Aliev bäyläneşe bar dip internetnı kontrol astına alu tırışlıqları kürä. Bu oçraqta isä jurnalistlar belän utırıp urtaq fikergä kilü urnına, däwlät räsmiläre, qatı qul säyäsätenqullanunı xup kürä dip farazlanıla.
XS
SM
MD
LG