Accessibility links

дүшәмбе, 5 декабрь 2016, Казан вакыты 23:34
Başlıq: -
Bäysez Däwlätlär Berlegendäge 12 äğzä il eçendä, Törkmänstan ğına xäzergäçä tulı wäkillek belän qatnaşmıy ide. İrtägä Aşqabatta başlayaçaq BDB cıyılışınıñ könüzäk mäsälälärennän berse, Elektrik eneregiäse xezmäşlege.
Törkmänstan, BDB illäre cıyılışın iñ soñ 1993nçe yılda qunaq itkän ide.15 aradañ soñ BDB illäre premyer ministrları Pänceşämbe könne tağın Aşqabatta oçraşalar. Şulay da bu oçraşunıñ Aşqabatta uzuı iğtibarnı cälep itä. Yaña Prezident, Saparmarat Niyazov waqıtında yıllar buyına üz eçenä yabılğan ilne izolatsiädän çığarırğa omtıla digän farazlar tua.
Berdimöxämmädov, soñgı waqıtta yaña reformalar citäkle. Bu yañarış säyäsäte belän ul, elgärese Saparmarattan ayırmalı buluı küzgä çalına. Üzgäreşlär kiçergän Törkmanstanda, ber genä närsä üzgärme qaldı. Törkmänstanda äle dä premyer ministrlıq urını yuq. Şuña da Törkmän başlığı, BDB illäreneñ Premyer Ministrları därcäsendä uzğan bu cıyılışqa Prezident bularaq qatnaşa.
Cıyılışta, möhim könüzäk mäsälä isä, BDB illäre eçendä tawar äyläneşe häm elektrik kebek energiä baylıqların büleşüdä, çik problemnären beterü. Läkin bu cıyılışta bu temadan tış älbättä Berdimöxämmädovnıñ taqdimnäre häm süzläre dä zur qızıqsınu belän küzäteler dip kötelä. Bigräk tä, Prezidentnıñ, Azärbaycan wäkilläre belän bulaçaq mönäsäbätenä iğtibar küp bulır. Çönki monnañ alda ike ilneñ dä elekke prezidentläre Saparmarat Niyazov häm Xäydär Aliev waqıtında mönäsätlär körçekkä terälgän ide. Bigräktä Kaspidäge neft qırlarıñ bülüşü mäsäbälärendä. Läkin soñgı arada ike ilneñ dä yaña citäkçeläre belän ike il arasında tağın da açıq häm añlaşuçan mönäsäbätlär başlandı.
BDB illäreneñ premyer ministrlıq däräcäsendä uzaçaq cıyılış belän bergä, Azerbaycan häm Törkmänstan arasında da ike yaqlı söyläşülär bulaçağı aldañ uq iğlan itelgän ide. Eşen asılında isä ike il arasında bulaçaq bu söyläşülär, Yewropanıñ ömetlängäne, Kaspi aşa gaz ütkärü proyektın tormışqa aşıru öçen möhim ber adım bula ala. Törkmänstan xäzergäçä zur gaz baylıqların barı tik Rusiä belän büleşä ide.
Ä iñ zur soraw isä Törkmänstan berlekkä yañadañ tulı wäkillek statusına qaytuı mäsäläse. Niyazov BDB cıyılışlarına bik siräk bara ide. 2005nçe yılda 2005nçe yılda bulğan cıyılışta, Niyazov monnañ arı, cıyılışlarğa küzätüçe bularaq qatnaşaçağın iğlan itkän ide.
BDBnıñ yuğarı komitetı başlığı, Sergey Lebedev isä, cıyılış aldınnañ Törkmänstanıñ äkrenläp äwzem rol alıun xezmättäşlek öçen konstruktiv ber adım bularaq bäyäläde.
Şulay da, Berdimöxämmädov soñgı arada NATO tarafınnan tanılğan neutral statusın saqlıyaçaqların beldergän ide. Bärdemöxämmädovnıñ bu süzlärennäñ, Törkmänstan BDB xezmättäşlegeneñ qaysı ber öleşendä yaxşıraq xezmättäşlek kürsätsätä alsada, äle tulı äğzälekkä öçen äzer bulmawın añlap bula.
XS
SM
MD
LG