Accessibility links

шимбә, 10 декабрь 2016, Казан вакыты 17:33

İñ räxät tormış İslandiädä, iñ yamanı - Afrikada


Dönyanıñ törle poçmağında yäşäw törleçä

Dönyanıñ törle poçmağında yäşäw törleçä

İñ uñay yäşäw şartları dönyada İslandiädä - Berläşkän Millätlär ütkärgän soñğı tikşerenü şunı açıqlağan.Bu tikşerenü näticäläre sişämbe könne iğlan itelde. Anda şulay uq tormışnıñ Afrika illärendä bik yaman bulıp qaluı da äytelä.

Berläşkän Millätlärneñ şuşı tikşerenüe Keşelärneñ Täräqqiät İndeksi dip atala häm ul yıl sayın açılanıp kilä. Bıltır berençelek Norvegiädä ide. Bıyıl isä anı şulay uq tönyaq ile, İslandiä etep çığarğan. Anda ğömer ozınlığı häm tulayım citeşterü küläme soñğı yılda artqan. Norvegiä berençelekne 6 yıl biläp kilgän ide.

Berençe bişlektä şuşı ike ildän tış, Australiäne, Kanadanı häm İrlandiäne kürep bula. Amerika Quşma Ştatları bıltırğı 8-nçe urınnan 12-nçegä töşkän. Ğomumän, tormış öçen iñ yaxşı illär isemlege başında irekle bazarğa nigezlängän bay däwlätlär tora.

Ä inde yäşäw şartları iñ yaman dip Afrikadağı Sierra-Leone tabılğan. Ğomumän, isemlek azağında nigezdä sub-Afrikadağı illärne genä kürergä mömkin.

Tikşerenü BMOğa kergän 175 il, şulay uq Hongkong häm fälästin cirlärendä ütkärelgän, ä menä Ğiraq, Äfğanstan häm Somaliä bıyıl çittä qalğan, çönki alardan tieşle mäğlümät ala almağannar. Rusiä bıyıl, Bosniä belän Albaniä arasında qalıp, 67 urında tora.

Yäşäw öçen uñaylıq berniçä möhim kriteriä nigezendä bilgelänä. Misal öçen, ğömer ozınlığı, belem däräcäse, häm keşe başına turı kilgän kerem küläme. Ämma alar ayırım-ayırım tügel, ä barısı bergä cıyılıp qarala häm ğomumi isemlek inde şunnan soñ ğına tözelä.

Ğömer ozınılığı yağınnan berençe urında Yaponiä torsa (82.3 yıl), azaqta - Zimbabwe (40.5 yıl)

Berläşkän Millätlär şuşı tikşerenüen 1990-nçı yıldan birle ütkärep kilä.
XS
SM
MD
LG