Accessibility links

дүшәмбе, 5 декабрь 2016, Казан вакыты 03:27

Kosovo söyläşülärendä taraflar kileşügä ireşmäde


BADEN -- Serbiä häm Kosovo albannarı citäkçeläre Kosovonıñ kiläçägen xäl itü maqsatında ütkän söyläşülärdä ber näticägä dä kilä almadı. Avstrianın Baden şähärendä barğan söyläşülär axırında yasağan belderüendä, Serbiänen Kosovo töbäge başlığı Fatmir Seydiu, Kosovonıñ kiläçäk statusı mäsäläsendä söyläşülärneñ soñgı öleşe näticäsez tämamlandı, dide. Seydui belgele ber kön äytmäsä dä, Kosovının yaqın arada bäysezlegen iğlan itäçägen xäbär itte.

Serbiä Prezidentı Boris Tadic isä, Kosovo xakimiäteneñ bäysezlek turındağı här qararı Belgrad tarafınnan yuqqa çığarılaçaq, dide.

AQŞ wäkile Frank Wisner, töbäktä tınıçlıq mäsäläseneñ körçekkä terälüen äytte. Ul ike tarafnı da tınıçlıq häm dialog wäğdälären saqlarğa çaqırdı.

Bu söyläşülär, Yewropa Berlege, AQŞ häm Rusiä wäkilläreñ, Belgrad belän Priştina arasında kilüşügä ireşü öçen soñğı tırışlıq bularaq kürelä ide. Bu öçlek, kilüşü barışı turında, 10 dekabrda BMOga xisabın tapşırırğa tieş.

Kosovo albannarı tulı bäysezlek taläp itä. Belgrad isä, Kosovonı avtonomiä statusında qaldıru täqdimen täqrarlıy.

XS
SM
MD
LG