Accessibility links

җомга, 9 декабрь 2016, Казан вакыты 16:34

Madridta YİXO cıyılışı bara


MADRİD -- Yewropada iminlek häm xizmättäşlek oyışmasındağı 56 ilneñ ministrları İspaniä başqalası Madridtä oçraşa. 2 kön däwam itäçäk söyläşülärdä, 2009 yılda oyışmada Qazaqstannıñ räislek itü mäsäläse tikşereler dip kötelä. Britaniä, AQŞ häm qaysı ber başqa äğzä illär, Qazaqstanda demokratiä torışın iskä alıp, anıñ räislegenä qarşı çıqqan ide.

Oyışma cıyılışı şul uq waqıtta, Rusiädäge saylawlarga küzätüçe cibärergä me yuq mı digän bäxäslär waqıtına da turı kilä.

Cıyılışta şulay uq, Rusiäneñ, AQŞnıñ Polşa häm Çexiägä urnaştırılaçaq raketa qalqanı planına cäwap itep, Yewropanıñ ğadäti qorallar kileşüennäñ çığu mäsäläsendä söyläşeler dip kötelä.

Bügenge söyläşülärdä, AQŞnıñ däwlät sekretare urınbasarı Nikolas Burns, oyışmadağı äğzälärneñ barısı da, keşe xoqularına ixtiram belän qarıy dip äytep bulmıy, dide.

Ul bu oyışmanı bik möhim dip bäyäläsä dä anda eçke yanawlar buluın äytte. Läkin alarnıñ kemnän kilüen açıqlamadı.

Şul uq waqıtta ul Rusiägä, Yewropada İminlek häm xezmättäşlek oyışması küzätüçelärenä çikläwlär quyğanı öçen, tänqit belderde.

XS
SM
MD
LG