Accessibility links

дүшәмбе, 5 декабрь 2016, Казан вакыты 15:36

Putin Kreml taraflı partiägä tawış birergä çaqırdı


MÄSKÄW -- Rusiä prezidentı Vladimir Putin, bügen aldan yazdırılğan çığışında, watandaşların yäkşämbe könne bulaçaq parlament saylawlarında üz firqäse - Berdäm Rusiä öçen tawış birergä çaqırdı.

Berdäm Rusiä partiäseneñ saylaw isemlegen başında torğan Putin, 1990 yıllardağı başbaştaqlıq kire äylänep qaytmas öçen, totırıqlılıq häm däwamlılıqqa tawış birergä soradı.

“Duma saylawları näticäläre hiçşiksez, Rusiäneñ kiläse prezident saylawları öçen dä xäl itkeç bulaçaq. Rusiä inde xäzer ük qanun çığaru häm başqarma xakimiäten yañartu çorına kerä. Bu wazğiättä bezgä xakimiätneñ däwamlılığın täemin itergä kiräk.”

Yäkşämbe könne bulaçaq saylawlarnı ul, üzenä ilküläm ışanıç belderü itep qarauın äytte. Ul şulay uq, Berdäm Rusiäneñ ciñüe aña - prezidentlıq wazifası tämamlanğannan soñ da – Rusuiäneñ säyäsi tormışına yoğıntı yasaw xoquqı biräçäk dip äytte.

XS
SM
MD
LG