Accessibility links

пәнҗешәмбе, 8 декабрь 2016, Казан вакыты 13:03

Rusiä ğädäti köçlär kileşüennän çıqtı


Mäskäw. Kreml xäbär itüençä, Rusiä prezidentı Vladimir Putin Rusiäneñ Yewropada ğädäti köçlär turındağı kileşügä tuğrı buluın tuqtatıp toru turındağı qanunnı imzalağan. Yewropada qorallı köçlärgä çikläwlär saluçı bu kileşü qitğanıñ iminlegeneñ umırtaqsı sanala ide.

Kreml üzeneñ bu adımın, qayber NATO äğzaları kileşüneñ 1999 yılda yañartılğan ölgeseneñ älegäçä raslamağan, şuña kürä ul eşlämi dip añlata. NATO illäre isä kileşüne raslaw mäsäläsen Rusiäneñ Dnestr buyı häm Gruziädäge ğäskärlären çığaru mäsäläse belän bäyläp qarıy.

NATO, bügen Rusiäne kileşüdän çığıp, yaqlı ğına eş itmäskä çaqırdı. AQŞ isä bu qararnı xata dip bäyäläde.

XS
SM
MD
LG