Yäkşämbedä Rusiädä ütäçäk Duma saylawlarında Berdäm Rusiäneñ ğalämät ciñü yawlıyaçağına şiklänüçelär yuq diärlek. Fiker beleşülärgä qarağanda, isemlek başında prezident Vladimir Putin torğan bu firqä tawışlarnıñ kimendä 60 protsentın cıyarğa tieş. "Berdämçelär"dän tış Dumağa tağın kommunistlar uzır dip kötelä. Ä menä qalğan firqälär 7 protsentlı kirtäne ütä almasqa da mömkin.
Berdäm Rusiäneñ çiñäçäge kön kebek açıq buluğa qaramastan, tawış birügä ike kön qala Vladimir Putin televidenie aşa aldan yazdırılğan möräcäğätendä, watandaşların saylawlarğa kilergä yalwardı.
"Zinhar, barısı da xäl itelgän, bezneñ üseş üzennän üze şulay däwam iter dip uylıy kürmägez. Bu - quqınıç adaşu. Bar ireşkänebez awır köräştä ireşelde, monı barı tik äwzem pozitsiäbez belän saqlap qalıp bula" dide Rusiä prezidentı.
Bu borçulularnıñ säbäbe närsädä? Qayber belgeçlär fikerençä, ägär tawış birüdä qatnaşu dähäcäse tübän bulsa, Putinnıñ käyefe qırılırğa mömkin, çönki ul bu saylawlarnı üzenä ışanıç belderü dip iğlan itte:
"Berdäm Rusiä bolay da zur küpçelek belän ciñäçäk, digän fiker saylawçılarğa tiskäre yoğıntı yasıy ala, alar tınıçlanıp saylawğa barmasqa mömkin" di Heritage Foundation üzägeneñ Mäskäw idaräse citäkçese Yevgeni Volk.
Mondıy xäldä qalmas öçen xakimiätlär qulınnan kilgänen eşlärgä tırışa. İseme äytelmägän ber saylaw räsmie The Moscow Times gäzitenä äytüençä, cirle räsmilär Berdäm Rusiägä birelgän tawışlarnı ikegä tapqırlarğa quşqan.
Orel däwlät universitetında jurnalistika studentı äytüençä, professorlar alarğa Berdäm Rusiägä tawış birergä quşqan, yuq isä universitettan quu belän yanağan.
Peterburda da Berdäm Rusiägä tawış birgän studentlarğa tulay toraqta urın wäğdä itkännär.
Berük waqıtta, Volk süzlärençä, oppozitsiädäge partiälärne pıçratu tırışlıqları kürelä. Uñ Köçlär Berlege (SPS) äğzaları AIDS (SPİD) belän awıru digän xäbärlär taratıla.
Xökümätkä qarşı protest çarası ütkärgän öçen 5 kön törmägä utırtılğan oppozitsiä citäkçese Garri Kasparovqa advokatlar belän oçraşu, telefonnan şaltıratu mömkinlege birelmi.
Kürenä ki, xakimiät bu saylawlarda yañğırawlı ciñü yawlarğa teli. Atnakiç möräcäğätendä Vladimir Putin Duma saylawların kiläse prezident saylawları belän bäyläde. Anıñ kiläçäktä nindi wazıyfa başqaraçağı älegä bilgesez. Ämmä küptän tügel Seberda bulğan ber oçraşu waqıtında Putin, Berdäm Rusiä saylawlarda ciñsä, minem ilneñ säyäsi tormışına yoğıntı itärlek moral xoquqım bulaçaq, digän küp mäğnäle süzlär äytkän ide.
Berdäm Rusiäneñ çiñäçäge kön kebek açıq buluğa qaramastan, tawış birügä ike kön qala Vladimir Putin televidenie aşa aldan yazdırılğan möräcäğätendä, watandaşların saylawlarğa kilergä yalwardı.
"Zinhar, barısı da xäl itelgän, bezneñ üseş üzennän üze şulay däwam iter dip uylıy kürmägez. Bu - quqınıç adaşu. Bar ireşkänebez awır köräştä ireşelde, monı barı tik äwzem pozitsiäbez belän saqlap qalıp bula" dide Rusiä prezidentı.
Bu borçulularnıñ säbäbe närsädä? Qayber belgeçlär fikerençä, ägär tawış birüdä qatnaşu dähäcäse tübän bulsa, Putinnıñ käyefe qırılırğa mömkin, çönki ul bu saylawlarnı üzenä ışanıç belderü dip iğlan itte:
"Berdäm Rusiä bolay da zur küpçelek belän ciñäçäk, digän fiker saylawçılarğa tiskäre yoğıntı yasıy ala, alar tınıçlanıp saylawğa barmasqa mömkin" di Heritage Foundation üzägeneñ Mäskäw idaräse citäkçese Yevgeni Volk.
Mondıy xäldä qalmas öçen xakimiätlär qulınnan kilgänen eşlärgä tırışa. İseme äytelmägän ber saylaw räsmie The Moscow Times gäzitenä äytüençä, cirle räsmilär Berdäm Rusiägä birelgän tawışlarnı ikegä tapqırlarğa quşqan.
Orel däwlät universitetında jurnalistika studentı äytüençä, professorlar alarğa Berdäm Rusiägä tawış birergä quşqan, yuq isä universitettan quu belän yanağan.
Peterburda da Berdäm Rusiägä tawış birgän studentlarğa tulay toraqta urın wäğdä itkännär.
Berük waqıtta, Volk süzlärençä, oppozitsiädäge partiälärne pıçratu tırışlıqları kürelä. Uñ Köçlär Berlege (SPS) äğzaları AIDS (SPİD) belän awıru digän xäbärlär taratıla.
Xökümätkä qarşı protest çarası ütkärgän öçen 5 kön törmägä utırtılğan oppozitsiä citäkçese Garri Kasparovqa advokatlar belän oçraşu, telefonnan şaltıratu mömkinlege birelmi.
Kürenä ki, xakimiät bu saylawlarda yañğırawlı ciñü yawlarğa teli. Atnakiç möräcäğätendä Vladimir Putin Duma saylawların kiläse prezident saylawları belän bäyläde. Anıñ kiläçäktä nindi wazıyfa başqaraçağı älegä bilgesez. Ämmä küptän tügel Seberda bulğan ber oçraşu waqıtında Putin, Berdäm Rusiä saylawlarda ciñsä, minem ilneñ säyäsi tormışına yoğıntı itärlek moral xoquqım bulaçaq, digän küp mäğnäle süzlär äytkän ide.