Accessibility links

җомга, 9 декабрь 2016, Казан вакыты 18:28

Xakimiät balaların bayıta


Töreklärdä “bal totqan barmağın yalıy” digän ber äytem bar.


Menä “Cumhuriyet” gazetasınıñ 6 Dekaber sanınıñ berençe bitendä “Gül, Erdogan häm Unakıtanıñ balaları soñğı yıllarda baylar kervanına quşıldılar. 5 yılda yoldızları yaltıradı” dielgän. Xäbärgä kürä Premyer Recep Tayip Erdoğannıñ ulı Ahmet Burak Erdoğan MB diñgez transportı şirkäteneñ paylarınıñ 50 %-na iä. Şuşı şirkät tözelgännän 18 kön uzğaç 2 million da 350 meñ dollarga ber yök korabı satıp alınğan.

Erdogannıñ ikençe ulı Näcmättin Bilal Erdogan da, uqırğa kittem digän AQŞ-ta 216 meñ dollarğa ber toraq satıp alğan. Ulı AQŞ-qa uqırğa kitkändä jurnalistlar Erdoğanga “ulığıznı anda niçek uqıtasız digän soraw birgäç”, “çığımnarnı ber dustım qaplıy” digän ide. Erdoganıñ ike ulınıñ ayıruça İstanbulda 1 milyon lira, yäğni 800 meñ dollarlıq ber kortejları bar. Finans ministrı Kämal Unakıtanıñ Abdullah isemle ulı, Fatma, Zeynep isemle qızları häm xatını AK partiä xakimiätkä mengäç 2001 yılda Azıq-tölek industriäse şirkäte tözegännär. Östäwenä ber İnformatsiä xezmätläre şirkäten dä açqannar. Menä bu şirkät bıyılda Märsin portı xosusıylaştırılıp, anıñ idärä eşläre 2 million dollarğa şuşı şirkätkä birelgän. Monnan elektä Finans ministrınıñ ulı Abdullah berençe şirkätläre aşa däwlätne aldadı digän däğvälär kütärelgän ide.

Transport ministrı Binali Yılmaznıñ da 24 yäşlek ulı Erkan Yıldırım un meñ lirağa ber şirkät tözegän 455 meñ Euroğa ber yulçı köymäse satıp alğan häm bu köymä däwlätkä arendağa birelgän. Başka ber ministrınıñ ulılarına 8 million dollarlıq kredit birgän, alar da şuşı kreditqa korab satıp alğannar. Küräseñ korab, köymälär moda bulğan. Inde Prezident Abdullah Gülneñ 16 yäşlek ulı da tegelärdän bireşmägän ul da ber şirkät tözegän. Ni genä äytmik ul bit prezident ulı. Dimäk xakimiätkä ziräk keşelär kilä, alarnıñ ullarlı da ziräk bula ikän.
XS
SM
MD
LG