Accessibility links

чәршәмбе, 7 декабрь 2016, Казан вакыты 19:25

PKK – Törkiäneñ çınbarlığı


İdänastı Körd partizan oyışması PKK-nıñ mäclestäge säyäsi qanatı dip däğwä itelgän Demokratik Cämğiät Partiäse DTP-neñ deputatı Şemdin Sakıknıñ mäclestäge çığışı baytaq deputatnıñ protestına duçar buldı.


Ul parlamenttağı çığışında “ Sez üzegezne Kördlär urınına quydığız mı? Bu ilne bergäläp tözemädek me? Ägär dä bez tuğan ikän ber tuğannıñ 100 televiziäse, tegeseneñ isä könenä yartı säğätlek kenä televiziä tapşıruı bulmasqa kiräk. Premiär üz partiäse eçendä 75 körd deputat buluwın äyttä.

Nigä alar söyläşmi. PKK bu ilneñ çınbarlığı, bez alar yuq mı dip äytergä tiyeşbez. Premier AQŞ-ta PKK turında söyli, ä parlamentta nigä söyläşelmi? PKK-nı qorarsızlandırunı bez dä telibez” kebek bälki dä bugengä xätle parlamentta äytelmägän süzlär häm fikerlär belderde. Tabiği DTP-neñ başqa partiälärneñ yaqlawına ireşüe mömkin tügen. DPT deputatları bu süzlärne äytkändä, çit illärdä Törkiäne bitärlilär häm PKK partizannarı belän bäreleşlär däwam itä. Bu atnada tağı ber kapitan üterelde, PKK-nıñ isä 14 partizanı xälaq buldı.
XS
SM
MD
LG