Accessibility links

чәршәмбе, 7 декабрь 2016, Казан вакыты 23:22

AQŞ Saqlanu Ministrı: İran äle dä töbäk iminlege öçen zararlı


MANAMA -- AQŞ saqlanu ministrı Robert Gates, bügen yasağan çığışında: “ber atna elek çıqqan AQŞ küzläw xisabında - İran monnan 4 yıl elek atom qorallanu planın tuqtattı dip belderelsä dä, İran barıber yaqın könçığış häm AQŞ iminlege öçen qurqınıç bulıp qala dip” belderde.

Gates, Bahreyndäge, töbäklär iminlege konferansı barışında yasağan çığışında süzlären: “İran uran bayutunı däwam itä häm ul teläsä qayçan atom qorallanu programın yañadan başlata ala” dip äytte.

Ul şul uq waqıtta İrannı, Ğiraq wä Äfğanstanda Xizbulllah, Xamas kebek ğisyançı törkemnärne yaqlawlada ğayepläp, İrannıñ raketa programı töbäk öçen qurqınıç bulıp qala dip östäde.

Şul uq waqıtta İzrailneñ atom programı, töbäk öçen qurqınıç tudırmıymı? digän sorawğa ul, İzrail kürşe illärgä höcüm itärgä cıyınmıy häm ul terrorçılıqnı da yaqlamıy dip cäwap qaytardı.

İzrail monı ber qayçan da räsmi bularaq raslamasa da, İzrail töbäktäge atom qoral köçenä iä bulğan berdän-ber il dip sanala.

İran Bahreyn cıyınına qatnaşudan waz kiçkän ide.

XS
SM
MD
LG