Accessibility links

якшәмбе, 11 декабрь 2016, Казан вакыты 07:14

Musa Qalanı yuğaltqan Taliban strategik buanı alırğa teli


Afghanistan -- Britan köçläre, Kajaki tiräsen taliban suğışçılarınnan arındıra

Afghanistan -- Britan köçläre, Kajaki tiräsen taliban suğışçılarınnan arındıra

Äfğanstannıñ könyağındağı 10 aydan birle taliban xaqimiätendä qalğan Musa Qalası, NATO häm äfğan köçläre tarafınnañ tämam uratıp alındı. Taliban suğışçıları şähärdäñ quılıp çığarıldı.

Şähär xaqimiäten qulına alğan äfğan köçläre xäzer şähärne yäşerelgän minalardan çistarta. Äfğan saqlanu ministrı xäbär itüençä, Sangin bistäse yaqınnarında yözlägän taliba suğışçısıları qarşı höcüm başladı dip xäbär itä. Bu bistädä isä il öçen Strategik mäğnägä iä Kajaki hidroelektrik buağa totaşqan yul Sanginnän uza.

Musa Qalada, urtaq köçlärneñ idaräne üz qulına aluınnan soñ, bügen qarşılıq kürsätkän soñgı taliban suğışçılarının da höcümnäre tuqtatuı turında xäbär itelä. Taliban, uzğan atna şähär tiräsendä 2 meñläp suğışçısı buluın beldergän ide. Şähärdän qaçqan taliban suğışçılarnıñ tönyaqqa taba, tawlarda yäşerenüläre turında xäbär itelä.

Şul uq waqıtta, Äfğanstan saqlanu ministrı, könyaq Helmand wiläyäteneñ Sangin bistäsendä 100lägän taliban suğışçılarınıñ, NATO häm Äfğan urtaq xärbi köçlärenä qarşı höcüm başlatuı turında belderde.

Äfğanstan prezidentı Hamid Qarzai düşämbe könne yasağan belderüendä: soñgı waqıtta taliban häm çittän kilgän äl-qaidä köçlärenen köç qullanuları xäbären işetügä, şähärne urap alırğa digän qararğa kilüen äytde.

Şähärdäge qabilä başlıqlarınañ, Ali Şah Mazlumyar bügen radyobızğa, ägär dä taliban şähärne bötenläy taşlap kitte digän xäbärlär döres bulsa bu alarnıñ tarala başlawın, köçlären yuğaltuın añlata digän süz dip äytte.
Ul şul uq waqıtta, bütän zur taliban başlıqlarının da NATO tarafınnan qulğa alınu turında xäbärlär buldı dip äytä.

Afghanistan -- Kajaki buası
Britaniä– 2006 yılnıñ üktäber ayında däwamlı taliban höcüme bulğan Musa Qaladan xärbi köçlären alıp, şähär idäräsen Mazlumyar kebek ölkän qabilä başlıqlarına tapşırğan ide. Bu wazğiättäñ faydalanırğa telägän Taliban, fevral ayında şähärne uratıp aldı häm suğışçıların monda tupladı. Maqsatı isä tözeleşe däwam itkän zur Kajaki bua proyektın tuqtatu ide.

Äfğanstanda 14 meñnän artıq proyektnı yañadañ tözekländerü programı däwam itä. Alardan berse Kajaki buası proyektı. NATO General Sekratarı, Jaap De Hoop Scheffer bu bua, Äfğanstan öçen strategik ber mäğnägä iä dip äytkän ide. NATO başlığınıñ bu buanı strategik dip atawındağı maqsat, alğa taba yañartu proyekte tämamlanu belän anıñ könyaq Äfğanstanda, 2 million keşegä häm alarnıñ eş urınnarı öçen elektrik tämin itüe belän bäyli.


Läkin tözekländerü proyekten däwam itterü öçen, Sangin şähärennäñ buağa totaşqan yulnıñ tämamlanuı şart.
XS
SM
MD
LG