Accessibility links

Кайнар хәбәр

Qazanda şimbä könne «Tatarstan yaña ğasır» xäräkäte qorıltayı uzdı


Şimbä könne «Tatarstan yaña ğ

Şimbä könne «Tatarstan yaña ğasır» digän ictimaği-säyäsi xäräkät can täslim qıldı. Däwlät Sovetı räise Färid Möxämmätşin citäkçelegendä tözelgän üz aldında respublika möstäqillegen, Tatarstan mänfäğätlären yaklaw maqsatların quyğan şuşı xäräkätneñ 4 nçe qorıltayında bu oyışmanıñ nizamnämäsäenä, yäğni ustavına üzgäreşlär kertelde. Xäzer «TYaG» ictimağıy-säyäsi xäräkäte isemennänän säyäsi digän süz töşerep qaldırıla häm rusiäneñ partiälär turında qanunı taläp itkänçä respublika oeşması saylawlar waqıtında täqdim itä almıy. Xörriätneñ xäzerge cimeşläre şundıy — säyäsättä qatnaşu, saylawlarda üz kandidatların täkdim itär öçen bötenrusiä firqasenä kerergä kiräk yäki üz oeşmañnı federal' partiäneñ bülekçäse itärgä kiräk. «TYaG» bernindi firqağä dä kermiçä möstäqıyllegen saqlarğa qarar itte. Saylaw könnäre citkändä ul nindi xäräkät yäki firqa belän berläşep alıp, arım kandidadtlarğa yärdäm itäçäk.

Ser tügel, xaqimiät oeşmaları çinovniklarına tayanğan «TYaG» cıelışlarına yörüçelär, «Yedinaya Rossiya»ne yaqlap can atalar. Şulay da, «yaña ğasır»çılar Tatarstan Konstitutsiäsen, respublikada ike tellelekne yaklağan rezolyutsiälär qabul ittelär. Dimäk, Färit Möxämmätşinnıñ xäräkäte üz qıyblasınnan taypılmıy. Şulay da xäräkät liderı häm anıñ köräştäşläre Rafail Xäkimov, Marat Gäliev çığışlarında moñ sulıq, aqlanu, zarlanu tösmerläre küzgä taşlandı.

Yaña ğasırğa kergäç, Tatarstannıñ däräcäsen töşerü kampaniäse köçäep kitte. Ä yaklawçılar moña qarşı toramı? «Tatarstan yaña ğasır» qorıltaenda xäzer iñ möhim mäs'älä - urta häm keçe käsäbђçelekne canlandıru. Bazar iqtisadın häm cirle towar citeşterüçelärne köçäytü, xalıqqa sotsial' yärdäm kürsätü turında borçıla bu urtaçıl xäräkät. Programmanıñ bu öleşendä Tatarstannıñ bäysez başbirmäs xäräkäteneñ maqsatı Rusiä häm Tatarstannıñ räsmi xaqimiäteneñ yöräk türendäge xıyallarına turı kilä. Şunısı ğına xäzergä bilgesez, еlğa urtasında su tirän bula, «Tatarstan yaña ğasır» xäräkäte dä xäzerge säyäsi tiränleklärdä batıp qalmas mikän? Bu bik ayanıç xäl bulır ide, çönki respublikanı saqlawçı räsmi häm küätle cämäğät oeşmaları bolay da yuq däräcäsendä.

XS
SM
MD
LG