Accessibility links

Кайнар хәбәр

Tatarstan Diniä näzäräte Xac qılırğa teläwçelärne tuplıy


Tatarstan möselmannarı Diniä n

Tatarstan möselmannarı Diniä näzäräte üzeneñ «İdel-Xac» programması qısalarında Xacğa barırğa teläwçelärne tuplawı turında xäbär itte. Mäkkä häm Mädinä şähärläreneñ İzge cirlärenä xac kiläse 2002 yılnıñ 16 fevral'nän 2 martına qadär däwam itäçäk. «İdel-Xac» programmasınıñ barlıq oeştıru mäsäläläre Soğüd Gäräbstanınıñ Xac ministrlığı belän kileşterelgän. İzge säfärgä cıenuçılar öçen şunısın da äytep kitärgä kiräk, bıel Soğüd Gäräbstanı Xac qıluçılar öçen östämä qağıydälär kertken. Xäzer säyäxätne oeştıruçılardan finans garantiäläre belän bergä xac qağıydälären dä öyrätü taläp itelä. Diniä näzärätennän alınğan mäglümat'lärgä qarağanda, bu säfär här teläwçegä 1580 dollarğa töşäçäk, alar öçen Qazannan Ğäräbstanğa maxsus oçqıç oeştırılaçaq. Qarşılawçı taraf quyğan standartlar häm Xac qılu yolaları buença kunakxanälärdä, Gäräfät häm Mina palatalarında yäşäw qaralğan. Şulay itep, Xac qılarğa telägän häm mömkinlege bulğan keşe 2002 yılnıñ 9 gıyynvarenä qadär — bu dokumentlarnı qabul itüneñ soñğı köne — Diniä näzärätenä möräcäğät itä ala.

Tatarstan möselmannarı Diniä näzäräte räise Ğosman xäzrät İsxakov Rim papası İoann Pawel II gä Tatarstanğa häm anıñ tizdän menyellığın bäyräm itäçäk başqalası Qazanğa kilergä çaqıru cibärgän. Bu xäbärne çärşämbe, 26 dekaber könne «Tatnews» internet säxifäse iğlan itte. Bu saytnıñ mäğlümatlärenä qarağanda, çaqıru Ğosman xäzrät tarafınnan inde noyäberdä ük tapşırılğan bulğan, läkin bu xaqta äle köngä qadär ber süzdä äytelmäde. Älegä Rim papasınıñ Tatarstanğa kilü, kilmäwe turında bernindi dä mäğlümatlär yuk.

XS
SM
MD
LG