Accessibility links

җомга, 9 декабрь 2016, Казан вакыты 14:45

Şimbä könne uzaçaq «Tatarstan-yaña ğasır» ictimağıy-säyäsi xäräkäteneñ IV qorıltaena Prezident qotlawı


Şuña kürä, cämäğätçelekkä iğti

Şuña kürä, cämäğätçelekkä iğtibar bermä-ber arttı. Comğa könne, yäğni 21 dekaberdä Tatarstan prezidentı Mintimer Şäymiewneñ «Tatarstan-yaña ğasır» ictimağıy-säyäsi xäräkäteneñ IV syezdı uñaennan qotlawı dönya kürde. Oşbu qorıltaynıñ delegatlarına häm qunaqlarına yullağan dokumentta Mintimer Şäymiew «Tatarstan—yaña ğasır» xäräkäteneñ respublikada grajdanlıq cämğıäten qoruda möhim rol' uynawın iskärtep ütä. Prezident fikerençä, demokratiä qağıydälären häm prinsipların xaqimiät tarafınnan häm anıñ kürsätmäläre belän ğamälgä quep bulmıy. «Waqıt yaña ideyälärne, initsiativalarnı, däwlät häm cämäğät oeşmalarınıñ qulğa qul totınıp eşläwen taläp itä»,-dip äytelä älege qotlawda. Mintimer Şäymiew bu ölkädä «Tatarstan -- yaña ğasır» xäräkäte zur eşlär başqarır dip ömetlänä.

Moña östäp şunı äytäse kilä. Zamanında vlaç tarafınnan oeştırılğan älege xäräkät cämğıätneñ böten qatlamların qolaçlap alalmadı. Soñğı tapqır Däwlät Sovetına deputatalar saylağanda bu açıq kürende. «Tatarstan -- yaña ğasır»nıñ (TYAG) atası Tatarstan parlamentı citäkçese Färit Möxämmätşin häm anıñ xäräkättäşläre yaña şartlarda TYAgnıñ eşen tağın da yuğarıraq däräcägä kütärergä niätlänälär. «Tatarstan—yaña ğasır» xäräkätenä qotlaw yullap, Mintimer Şäymiew üzeneñ mönäsäbäten açıq belderep, başqa citäkçelärgä dä işarä yasadı diärgä bula. IV qorıltay üzeneñ eşen 22 dekaberdä irtän säğät 10da Ğaliäskär Qamal teatrında başlap cibärä. Şul uq könne syezdnıñ eşe tämämlanaçaq ta.

«Tatar-inform» agentlığınıñ «Tatarstan — yaña ğasır», yäğni TYAgnıñ säyäsi şurası räise Färit Möxämmätşin belän uzdırılğan ängämäsennän kürengänçä, xäräkät ike yıldan artıq yäşi häm yäşäwen däwam itä. Ul san yağınnan tağın da artır ide, läkin andıy maqsat quelmağan ikän. Möxämmätşin süzlärenä qarağanda, bu xäzerge wäzğıättä mömkin dä tügel.

Syezda qaralaçaq töp mäsälärneñ berse xäräkätneñ kiläçäktäge statusı. Möstäqıyl bulıp qalırğa mı, yä berär federal' firkä qanatı astına kerergäme? TYAgnıñ citäkçese, xäräkätkä kergän küpçelek oeşmalar berençe yulnı saylarğa täqdim itälär. TYAG xäzer 15 meñgä yaqın keşene berläşterä ikän.

XS
SM
MD
LG