Accessibility links

шимбә, 3 декабрь 2016, Казан вакыты 22:45

Mintimer Şäymiev «Mir» regionara teleradiokompanisenä birgän interv'yu turında


17 dekaber könne Prezident Min

17 dekaber könne Prezident Mintimer Şäymievneñ «Mir» regionara teleradiokompanisenä birgän äñgämäse çıqtı. Bu interv'yuda Tatarstanda säyäsi tormışta bernindi dä ğadättän tış xällär turında iskä alınmadı. Rusiä-Tatarstan mönäsäbätlärenä qağılışlı sorawlarğa cawap birgändä, Mintimer Şäymiev tağın ber qabat Rusiä Prezidentınıñ tulı waqälätle wäkillär institutına qarata tänqıyt pozitsiäsendä buluın qabatladı. Ul effektlıraq mexanizm tabıp bulır ide, dip sanıy. Rusiä Federatsiäseneñ milli säyäsät buença ministrlıgın tarqatuğa qarata bernindi dä ükeneç süzläre äytelmäde. Kiresençä, milli respublikalar öçen bu ministrlıqnıñ bernindi dä faydası bulmawı äytelde. Ä inde milli mäs'älälär buença ministr bilgelänügä qarata da älläni söeneç-ömet sizderelmäde. Mintimer Şäymiev fikerençä, milli mäs'älälär belän turıdan-turı Rusiä Prezidentı şöğıllänergä tieş. Şuña kürä ul yaña ministr turıdan-turı Vladimir Putin häm anıñ administratsiäse belän eşlärgä tieş, dip sanıy.
XS
SM
MD
LG