Accessibility links

дүшәмбе, 5 декабрь 2016, Казан вакыты 01:26

Tatarstan Prezidentı Miñtimer Şäymiev çärşämbe, 19 dekaber könne Rusiä Däwlät Şurası utırışında qatnaştı


Tatarstan Prezidentı Mintimer

Tatarstan Prezidentı Mintimer Şäymiev çärşämbe, 19 dekaber könne Mäskäwdä buldı. Anda ul Rusiä Däwlät Şurasınıñ utırışında qatnaştı. Şuşı Prezidentlar, ölkä başlıqları cıenında Tatarstan öçen bik tanış, küp tapqır qabatlangan tema qaraldı -- keçe häm urta käsäbäçelekne üsterü. Rusiä Prezidentı Vladimir Putin Rusiä Däwlät Şurasınıñ Prezidium utırışında cirle xakimiätlärne häm cirle qanunnarnı keçe eşmäkärlek üseşenä kirtä qoruda gäyeplägän ide.

Tatarstan Prezidentı Mintimer Şäymiev tä «Interfax» agentılıgına birgän interviusında şuşı ük süzne qabatladı. Ämma anıñ fikerençä, Rusiädä urta häm keçe käsäbäçelek däwlät yärdämenä moxtac. Mintimer Şäymiev bu faktor xäzerge şartlarda iqtisadi häm sotsial yassılıqtan säyäsi yassılıqqa küçä, häm kiläçäktä şuşı xäl Rusiädäge reformalarnıñ näticäsen kürsätäçäk.

XS
SM
MD
LG