Accessibility links

пәнҗешәмбе, 8 декабрь 2016, Казан вакыты 08:59

Qazan wäkilläre Novosibirski tatarlarında qunaqta bulıp qayttı


Böten dönya tatar konressı väk

Böten dönya tatar konressı väkille bü könnärdä Novosibirsk ölkäseneñ tatar milli üzäge oeşuına 10 tulu tantansında qatnaştı. Böten dönya tatar kongressı başqarma komitetı xezmätkäre Landış Xarrasowa bu säfär, Seber yaqları, andagı tatar yaşäeşe turında tulıraq itep söyli:

«Novosibirskiy ölkäseneñ milli mädäni üzägenä 10 tuldı. Bu bäyrämdä törle millät keşeläre qatnaştı. Gubernator, şähär başlıgı çıgış yasadı. Bötendönya tatar kongressı isemennän kotlau xatın uqıdıq. Üzebez belän alıp kilgän kitaplarnı, tatar cırları yazılgan qassetalarnı, däresleklärne tapşırdıq. İñ yaxşı eşläüçe milli üzäkne ölkä başlıgı Mäskäügä iullama belän büläklärgä vägdä itkän. Bu iullama bıel tatarlar bireler dip kötäbez..»

Qazan kunaqları Novosibirskida Uraza -- gäeten dä kürep qaytqan. Şähärneñ ike qatlı zur cämig mäçete bar. Gäet bäyrämenä meñ yarımga yaqın möselman cıelgan. Mäçet qarşında tatar telenä öyrätü kursları açılgan bulgan, ämmä anda barı tik 20 genä keşe yöri. Jirle millätäşlärebez tatar telen televideniedän dä işetä ala. Biredäge qanalarnıñ bersendä 3 sägatlek milli tapşıru efirga çıgıp kilä. Bu başqa ölkälär belän çagıştırganda şaqtıy alga kiteş bulsa da, biredäge milli yaşäeş kuanırlıq tügel äle. Ämmä üzeneñ 10 ellıq iubileyen ütkärgän Novosibirskiy milli üzäge kiläçäkkä ömet belän qarıy.

Bikä Timerova

XS
SM
MD
LG