Accessibility links

якшәмбе, 4 декабрь 2016, Казан вакыты 02:57

Tatarstan möselmannarı Uraza bäyrämen bilgeläp ütte


Ğaydel-fitr -- Uraza bäyräme T

Ğaydel-fitr -- Uraza bäyräme Tatarstanda zur kütärenkelek belän ütkärelde. Respubliqa prezidentı Mintimer Şäymiew Tatarstan möselmannarın Uraza bäyräme belän qotladı. Däwlät Sovetı räise Färit Möxämmätşin respubliqa möselmannarınıñ Diniä näzäräte räise möfti Ğosman İsxaqov aşa şulay uq üz täbriklären Tatarstan möslimnärenä citkerde. Märcäni mäçetendä möfti bäyrämen namazın uqısa, respublikanıñ 1 meñ çaması mäçetendä izge Ramazan aenıñ tämamlanuı häm Uraza bäyräme xörmätenä namaz-doğalar uqıldı. İxlastır, Tatarstanda Uraza bäyräme başqa räsmi tantanalarğa qarağanda küñelleräk, mäğnäleräk ütä.

İrtä tañnan ORT kanalı aşa Ufa mäçetendä möfti Täcetdinneñ rus häm tatar tellärendä söylägän wägäze, gärçä bu çığış säyäsät häm däwlät eşläre belän tığız bäylängän bulsa da, şaqtıy zur qızıqsınu uyattı. Mäskäw mäçetendä Rawil Gaynetdinnıñ namaz uqıp, wäğäz söyläwe küzgä çalınsa da, bu yulı ORT kanalında efirğa çıqqan islam dine yolası, hiçşiksez, istä qalırlıq buldı. Här sekundı öçen zur aqçalar qaera torğan şuşı kanal Täcetdingä yumartlıq kürsätkändä, räsmi xaqimiät qaraşın istä totqandır. Däwlät belän din aerılğan disäñ dä, alar bötenläy ük aerılıp, ber-bersennän waz kiçmägännär äle.

Tatarstan däwlät televideniäse kiçke tarşırularda Uraza bäyräme turında keçkenä reportajlar birsä dä, irtänge namaz häm wäğäz waqıtında tüläwle qotlawlar, yäğni, aerım keşelärgä bağışlanğan populyar cırlar yañğırattı.

XS
SM
MD
LG