Kärim Tinçurin teatrında «Xuca Nasretdin» spektakleneñ prem'yerası bulıp uzdı

Kärim Tinçurin isemendäge drama häm komediä teatrı Näqıy İsänbätneñ «Xuca Näsretdin» p'yesası buença yaña spektakl' quydı. Prem'yeranıñ berençe könennän ük bu tamaşanıñ talantlı häm mäğnäle ikänlege küzgä taşlandı. Rejisser Räşid Zahidullin Xuca Näsretdin rolen başqarunı Almaz Fätxullin isemle yäş artistqa tapşırğan. Keçkenä buylı, yılğır, yäş artist üzeneñ ziräklege belän küätle xannarnı, axmaq türälärne ciñep çığu mömkinlegen kürsätä. Bu Xuca «poçemu, potomu çto» süzlären qıstırıp söylämäsä dä, ul Tatarstan prezidentınıñ säyäsättäge taktikasın küz allarğa yärdäm itä.