Accessibility links

шимбә, 10 декабрь 2016, Казан вакыты 08:25

Rusiä Däwlät Duması xalıq sanın alu turındağı qanunnı tulayım qabul itte


Pänceşämbe könne Rusiä Däwlät

Pänceşämbe könne Rusiä Däwlät Duması xalıq sanın alu buença qanunnı tulısınça qabul itte. Xalıq sanın alu Yaña yılnıñ 9 oktäberenä bilgelände. Älege zakon ber genä qarşı tawış belän qabul itelde. Tatarstanda da älege qanunğa reaksiä uñay. Xalıq sanın alu mäslixät eş. Tik tatar cämäğätçelegenä älege qanunnıñ tormışqa aşırunıñ gämäli yaqları oşamıy. Älege qanunnı tormışqa aşıru buença Rusiä xökümäte qarar çığarğa tieş. Älege çaranıñ gämäli, matdi yaqları täğäyenlänergä tieş. Xalıq sanın alğanda, här keşe cisemen, milläten yazdırırğa tieş. Xökümät qararı belän millätlär atamaları isemlege raslana. İnde xäbär itkänebezçä, Rusiä Däwlät Dumasına Tatarstannan saylanğan deputatlar älege millätlär isemlege proektın qulğa töşerep, andağı gäcäp xällärgä cämäğätçelek iğtibarın cälep ittelär. Älege proektta tatarlarnıñ altı törgä bülenüläre mäğlüm buldı. İsemlek kopiäse Qazanğa kilep ireşkäç, täfsilleräk itep tikşergännän soñ tatarlarnıñ altı törgä tügel, ä 8 törgä bülgälängäne açıqlandı. Seber tatarları da ikegä bülenä ikän - seber tatarları häm barabalılarğa. Bolğarlar, keräşennär, nağaybäklär tatarnıñ ber töre itep kenä tügel, ä ayırım millät itep kiterelgän. Älege isemlektä kürşelärebez marilar da taw marilarına häm bolınlı könçığış marilarına bülenälär ikän. Rusiä Däwlät Dumasınıñ xalıq sanın alu turındağı qanunnı qabul itkäç, menä şuşı inde käğäzgä töşerelgän millätlär isemlege üzgärtelmäs, dip sanıy tatar cämäğätçelege. Şuña kürä älege qanun qabul itügä berençe reaksiä - wäzğıät tağın da qatlawlanır, mondıy bülgäläwlär belän tatarlar ğına tügel, äytik, marilar da kileşmäs, digän fiker buldı.
XS
SM
MD
LG