Accessibility links

дүшәмбе, 5 декабрь 2016, Казан вакыты 11:44

Tatarstan möftie Ğosman xäzrät İsxaqıy Rim Papasın Qazannıñ 1000 yıllığına çaqıru ciberüe turındağı xäbärlärgä reaksiä


Räsmi çığanaqlardan kilgän tağ

Räsmi çığanaqlardan kilgän tağın ber xäbärgä reaksiä şulay uq bik tiz buldı. Tatnews.ru mäğlümat agentlığı Tatarstan möftie Rim Papasın Qazanğa çaqırdı, digän xäbär tarattı. Anda Tatarstan möftie Ğosman İsxaqıy Rim Papası John Paul II-gä meñyellığın bilgelärgä cıyunıçı Tatarstan başqalası Qazanğa qunaqqa kilergä çaqırdı, dielä. Xäbärdä bu çaqırunıñ 2000 yılnıñ noyäberendä ük cibärelüe, läkin mäğlümat çaralarında çığarılmıy toruı turında äytelä.

Älege xäbär çıqqan könne ük, pänceşämbe könne şul uq Tatnews agentlığı Rusiäneñ baş möftie Qazanğa Rim Papasın çaqırunı provakatsiä, dip bäyäläde, digän xäbär tarattı. Ul Rusiädä ğasırlar buyı inde traditsion konfessiälärneñ provoslavie, islam, iudaizm häm buddizmnıñ berdäm ruxiät qırı yäşäp kilä, şuña kürä Rim Papası kebek başqa ruxani liderlarnı çaqırğanda, bez konfessiälär arasındağı bäxäsle mizgellärne, hiçşiksez, isäpkä alırğa tieş häm bezneñ ilneñ provoslavları belän möselmannarı arasındağı yaxşı mönäsäbätlär turında istän çığarmasqa tieş, digän fiker äytkän. Älege reaksiägä kommentariy da, konfessiälär arasındağı bäxäsle mizgellär genä iskä alınmıy, ğomumän, Qazannıñ meñyellığı da bäxäslänä. Anda Tatarstan xaqimiäteneñ Qazannıñ meñyellıq tarixi buluına nıq inanğan bulsalar da, küp kenä tarixçılar şähärne küpkä yäş, dip sanıylar, digän fiker äytelä. Dälil itep, Brockhaus & Efron ensiklopediä süzlegennän häm Zur sovet ensiklopediäsennän alınğan mäğlümatlar kiterelä.

XS
SM
MD
LG