Accessibility links

якшәмбе, 11 декабрь 2016, Казан вакыты 09:17

Krasnoyarski tatarlarına Qazandagı millätäşlärennän — yalqınlı säläm


Bu yal könnärendä şähär başlıg

Bu yal könnärendä şähär başlıgı, Qazan xakimiäteneñ cawaplı xezmätkärläre, ber törkem sängat ostaları Krasnoyarski şähärendä bulıp qayttı. Bu säfärdän alıp qaytqan video—tasma yäkşämbe kiçendä Tatarstan telekanallarında kürsätelde. Şuşı tasmadagı ber küreneş küplärneñ küñelenä kerep qalgandır, mögäyın. Anda Krasnoyarskidagı ber tatar abzıyınıñ, küz yäşlären çıgarıp — «niçek anda Qazan, niçek Şäymiev?», dip Qazan başlıgı Kamil İsxaqovnı koçaqlawı kürende. Bu säfär turında Qazan şähär administratsiäsennän milli eşlär belän şögällänüçe xezmätkäre Röstäm Jäläyev tulıraq mäglümat birde.

Audio

Bu säfär waqıtında Qazan şähäre häm Krasnoyarski qalası arasında xezmättäşlek häm duslıq turında kileşü tözelde. Şuşı kileşüneñ möhim ber öleşe itep — cirle tatarlarnıñ tellären häm mädäniätlären saqlawga yardäm kürsätü qaralgan. Bu baruda da, Qazan wäkilläre tarix, tatar tele däresleklären küpläp alıp bargan. Ä Qazan milli mädäni üzäge artistları zur kontsert quyıp, Krasnoyarski tatarlarınnıñ küñelen kütärgän.

Audio

Bu kileşü milli mädäni möxtäriät citäkçese tırışlıgı belän tözelde. Krasnoyarski ölkäsendä 60 meñläp tatar yäşi. Alar anda kübesençä Tatarstannan küçep kilgän. Tatarlar monda üktäber inqıabınnan başlap yäşi. Tatarlarnı şähärdä bik hörmät itälär. Millätäşlärebezneñ mäçetläre bar, yaqşämbe mäktäbe eşli, milli çaralar ütä. Röstäm Cäläev mäglümätlärenä qaraganda, rayonnardagı tatarlarnıñ xättä tatar telendä dä belem alırga mömkinlekläre bar.

Krasnoyarski—Qazan arasındagı kileşü iqtisadi, mädäni xezmättäşlekne küz aldında tota. Mäsälän, anda da metro tözelä. Qazan başlıgı Qamil İsxaqov Krasnoyarskida cir astına töşep metro tözeleşen qarap yörgän. Bö ölkädä dä ike şähär arasında täcribä urtaqlaşu bulaçaq ikän. Ä kileşüneñ milli—mädäni yagın törmışqa aşıruda Krasnoyarski tatarları da qatnaşır dip farazlana. Röstäm Cäläyev äytüençä, Tatarstan yärdäme — ölkä başqalasına gına tügel, ä tayga urmannarı arasında utırgan tatar awıllarına barıp citärgä tieş.

XS
SM
MD
LG