Accessibility links

Кайнар хәбәр

«Konstitutsiä qabul itelgänçegä qadär, tatarnıñ urını bilgelänmäyäçäk» - dip sanıy tarixçı Damir İsxakov


2002 yıl Tatarstan häm tatarla

2002 yıl Tatarstan häm tatarlar öçen nindi bulaçaq? Bu xatqa küp keşe uylanadır. Publitsist, cämäğät eşleklese, milli mäs’äläne tiränten öyrängän ğalim, etnograf Damir İsxakov belän «21nçe ğasır başı tatar öçen nindi buldı, kiläçktä millätebezne närsä kötä?», digän temalarğa bağışlanğan äñgämä ütkärde:

D.İ. Bu yılda bernindi moğcizalar bulmadı. Üseş näticäläre, min kötkännän naçarraq buldı. Ber öleş awırlıqlar uzğan yıldan bıelğa da küçte. Bez älegä qadär, üzebezneñ Konstitutsiäbezne dä qabul itmädek. Tatarnıñ säyäsi yaqtan urını, Konstitutsiä qabul itelgänçegä qadär, bilgelänmäyäçäk, dip uylıym. Soñğı waqıtta, «tatar milläte betä», dip törle söyläşülär buldı. Ämmä min alay sanamıym. Tamırlarıbız tirän, alğa taba ömet bar, dip uylım.

Alda tora torğan iñ qatlawlı mäsälärneñ berse — xalıq sanın alu kampaniäse. Anı niçekter ütep kitärgä kiräk. Xäzer iñ mohim problema — berläşü probleması. Aktivrak çığarğa kiräk seber tatarlarına, nögäybäklär yanına, alarnıñ fikeren belergä kiräk. Kräşen tatarları belän nıqlap söyläşeregä kiräk. Bergä oçraşıp söyläşsäk, ber fikergä kilep bulır.

B.T. Ayırım keşelär zur säyäsätkä niçek tä'sir itä ala?

D.İ. Här tatar keşese üzeneñ balasın tatar itep tärbiäläsä, bu anıñ millät öçen eşlägän iñ zur eşe bula. Balalar sanı, minemçä, 3-tän dä kim bulmasqa tieş. Çönki milät sanı artmasa, ul betügä bara digän süz. Dönya tarixı şunı kürsätä, küp sanlı millätneñ süzenä kübräk qolaq salalar.


2002 yılnıñ 3 ğınwarında Damir İsxakovqa 50 yäş tulaçaq, şul ük könne, Tatarstan mäğärif ministrı Fariz Xarisov ta 45 yıllığın bilgeläp ütäçäk. Ä yazuçı, cämäğät eşleklese Aydar Xalimneñ tuğan köne inde uzdı. 1 ğınwarıda aña 60 yäş tuldı.

Azatlıq radiosı öçen Qazannan Bikä Timerowa
XS
SM
MD
LG