Accessibility links

Tatarstanda 6 meñ yäş ğailä fatirğa moxtac


Tatarstanda 6 meñ yäş ğailä fatirğa moxtac

Uzğan yıl respubliqa öçen ikmäkle-aşlı buldı. Yaña yıl aldınnan premier-ministr Röstäm Miñnexanov jurnalistlarnı cıep, respublikanıñ uzğan yılğı iqtisadi-sotsial' tormışınıñ yomğaqları buyınça sorawlarğa cawap birde. Şuşı oçraşuda respublikanıñ iqtisadi-sotsial' tormışınıñ qayber tarmaqları buyınça kiterelgän mäğlümätlärne tıñlawçılarıbızğa da ireşterergä tırışırbız. Älegä statistika oyışmalarınıñ räsmi mäğlümätläre bulmağanğa, täğäyenle sannar-sifrlar atap bulmasa da, awıl xucalığında, hiçşiksez, bıyılğı uñış başqa yıllar belän çağıştırğanda iñ yuğarı rekordlı ğazlaştıru programmasınıñ nigezle öleşe tögällände. Sotsial' tarmaqqa kilgändä, toraq fatirlar tözü programmaları tulayım ütälä. Yaña yıl aldınnan tuzğan toraq programması buyınça tözelgän 20-meñençe fatirda öy tuyı ütkärelüe turında xäbär itkän idek. Xalıqnıñ tormış däräcäse buyınça töp kürsätkeçlär - can başına urtaça aylıq kerem dä üsä, dilär. Härxäldä, räsmi statistika mäğlümätlärendä bu kürsätkeç inde 4-5 yıl üsep kilä, dip kürsätälär. 2000 yılda can başına urtaça aylıq kerem 1753 sum 30 tien bulğan. Läkin tormışta härnärsäneñ dä, xätta yaxşı, uñay küreneşlärneñ, qazanışlarnıñ da ike yağı bula. Uzğan yılğı rekordlı uñışnıñ da bazar şartlarında başqa, tiskäre yaqları da buluın kürsätte. Eş şunda ki, bıyıl awıl xucalığına berniçä bank aqçalata kreditlar birde. Kreditlar qaytaru öçen citeşterelgän aşlıqnı satası bar. Mäğlüm bulğança, bıyıl Rusiä külämendä dä rekordlı uñış citeşterelde. Şuña kürä awıl xucalığı xezmätkärläre aşlığıbıznı sata almıybız, dip zarlana. Premier-ministr Röstäm Miñnexanov Tatarstan aşlığına Rusiädä satıp aluçılar bar, dip täqrarlıy. Xäzergä banklardan alğan kreditlarnıñ ¼ öleşe genä qaytarılğan ikän. Yortlar salu, fatirlar tözü eşlärendä dä problemalar citärlek. Tuzğan toraq programması, hiçşiksez, ütälä. Läkin ğomumän respublikada uzğan yıl kapital' tözeleş, toraq tözü kimegän. Xäzer qaysıdır zavodta fälän yıl eşlägän keşe çirat torıp, fatir alğan, digän xäbärlär bik siräk işetelä. Ä inde yäş ğailälärgä däwlät yärdäme programması ütäleşe bötenläy maqtanırlıq tügel. Xäzerge waqıtqa 6 meñ yäş ğailä fatirğa moxtac. Uzğan yıl älege programma buyınça 150 läp yäş ğailä genä fatirğa iä bula alğan. Ğazlaştıru programması nigezdä ütälde, digänneñ dä şaqtıye «käğäzdä» ütälgän. Qazan çitendä, läkin tramvay tuqtalışınnan ber kilometr çaması yıraqlıqta urnaşqan 200 yortlı «yaña» urıslar häm tatarlar urnaşqan bistäneñ ğazlaştıru turındağı qabul itü käğäze Yaña yıl aldınnan tözelde. Ä inde menä yortlarğa Yaña yılnıñ qaysı aylarında ğaz kilep citüen Alla üze belä. Rayon-awıl cirendä dä şundıy uq xällärgä şahitlär, hiçşiksez, tabılır.
XS
SM
MD
LG