Accessibility links

Ministrlar Kabinetı gomumrusiä xalıq sanın alu ütkärü buença respubliqa komissiäse utırışı uzdırdı


Ministrlar Kabinetı gomumrusiä xalıq sanın alu ütkärü buença respubliqa komissiäse utırışı uzdırdı

Ministrlar Kabinetı sişämbe könne gomumrusiä xalıq sanın alu ütkärü buença respubliqa komissiäse utırışın ütkärde. Xalıq sanı aluğa ber yıl çaması waqıt bulsa da, respublikada bu çarağa äzerlek eşläre inde ike yıl bara ikän. Bu çaralarğa rayon häm şähärlärneñ çiklären tögälläwdän başlap, xalıq sanı aluçı instruktorlar öçen bülmälär, eş urınnarı äzerläwgä xätle bar. 15 aprel'gä xätle xalıq sanı aluda qatnaşuçı instruktorlarnı, xezmätkärlärne saylap alu tämämlanırğa tieş. Alarnıñ sanı 14 meñgä citäçäk. Älege utırışta vitse-prem'yer Zilä Wäliewa çaranıñ ideologiä, añlatu, xalıqqa bulışu çaraları turında söyläde. Bu eşlärdä yaña ısullar, yaña alımnar kiräklege, sotsiologik soraşular, yäşlär arasında añlatu eşläre, xalıq sanın alunı yaktırtuçı jurnalistlar arasında bäyge iğlan itü zarurlığı turında äytelde.

Mäğlüm ki, gomumrusiä xalıq sanı alu çarasında tatarlarnı tağın ber sınaw kötä. Xalıq sanı alu turındağı qanun proektına quşımta millätlär isemlegendä tatarnı altı törgä bülü qarala. Moña qarşı inde Tatarstan Dälüät Şurası tatar xalqına häm Rusiä Däwlät Dumasına möräcäğät qabul itte. Sişämbe könne Bötentatar ictimağıy üzägendä bu problemağa mönäsäbäte mäğlüm buldı.

Yunıs Ätnäle
XS
SM
MD
LG