Accessibility links

Кайнар хәбәр

Mintimer Şäymiew - «Radio Rossii»da


Mintimer Şäymiew - «Radio Rossii»da

Pänceşämbe könne Qazanda säyäsi mäs’älälärgä qağılışlı çara da uzdı. Prezident Mintimer Şäymiew «Radio Rossii»neñ «Persona grata» tapşıruında qatnaştı. Säyäsi mäs'älälärdän bu tapşıruda gomumrusiä «Yedinstvo-Oteçestvo» firqaseneñ kiläçäge, ğomumän, soñğı waqıtta ereländerelgän firqalärneñ totqan urını turında süz bardı. Mintimer Şäymiew «Yedinstvo-Oteçestvo» firqaseneñ Rusiä säyäsätendä aerım ber totqan urını bar, ul äle oeşu belän xaqimiät firqasenä äwerelmi, üzeneñ eşçänlege belän şundıy däräcägä, yäğni tä'sirle firqağä äylänergä tieş, digän fikeren qabatladı. Ul soñğı waqıtta yaña qanun buença ereländerelgän gomumrusiä firqalär arasında qarşılıqlar prinsipial', aermalıqlar kürenmi. Tapşırunı alıp baruçı şulay uq Tatarstan Prezidentınıñ xaqimiät vertikalen urnaştıru säyäsätenä qarata mönäsäbäten dä beleşte.

Tapşıru azağında süz Tatarstan citäkçelegeneñ Vatikannan Boj'ya mater' ikonasın Rusiä pravoslavlarına qaytaruda aradaşçı buluı xaqında da çıqtı. Tatarstan Prezidentı çınnan da, Tatarstannıñ bu eşlärdä qatnaşuın häm bu ikonanıñ qaytarıluı katoliklar belän pravoslavlarnıñ kileşüenä uñay yoğıntı yasar, digän fiker äytte.

Yunıs Ätnäle
XS
SM
MD
LG