Accessibility links

шимбә, 10 декабрь 2016, Казан вакыты 02:09

Däwlät Şurası utırışları tuqtalıp tora


Däwlät Şurası utırışları tuqtalıp tora

Bu atnada da Däwlät Sovetınıñ sessiäse üz eşen däwam itmäde. Deputatlar, säyäsätçelär, xaqimiät wäkilläre Mäskäwdä Konstitutsion mäxqamädä Tatarstan qannunnarın täñgälläşterü, respubliqa Däwlät Sovetınıñ legitimlığın qabat tikşerüdän soñ, deputatlar utırışqa cıelaçaq. Alarnıñ qayçan cıelaçaq ikännären berkem dä äytä almıy. Rusiä Konstitutsion mäxqamäseneñ qararı çıqqaç, xoquqıy reformalar ütkärü buença komissiä räise Dmitriy Kozak Qazanğa kiläçäk, imeş. Qayber gazetalarda respubliqa Däwlät Sovetın waqıtınnan alda taratalar digän fikerlär äytelsä dä, mäs'älä xäl itelmägän häm mondıy variantnıñ buluı ikele, dilär. Yılnıñ soñğı aendı, tönnärneñ ozınlığı, könnärneñ qısqalığı iñ soñğı çikkä citkändä, däwlätçelek, millätçelek, milli tereleş mäsäläläre dä iñ tübän noqtada tuqtap qalğan kebek. Bu oçraqta respubliqa häm tatar xalqına Allanıñ yärdämenä, yazmışnıñ yılmayuına ömet itärgä qala.

Xäl itelmägän iqtisadi, säyäsi, sotsial' problemalar belän ber rättän milli kirtälärne dä kiçärgä turı kilä. Tatar telen tatar balalarına öyrätü ber xäl, ä başqa millät wäkillärenä tatar telen uqıtu — ikençe. Qazanda yäşäwçe ber Xapuğin isemle keşeneñ mäğärif ministrlıygın mäxqamägä birep, atnasına 6 säğät tatar telen uqıtuğa qarşı çığuı turında söylägän idek. Xapuğin yalğız bulıp çıqmadı. Tatar telen küp uqıtmasınnar dip zarlanuçılar tağın bar ikän. Läkin tatar telen yaxşı itep öyränüçelär, mäktäp däresläre yärdämendä tatar telendä irken söyläşü belüçelär sirägräk oçrıy. Menä şuña kürä, xökümätneñ tellär komissiäse, mäğärif ministrlığı, Qazan pedagogiä universitetı «Tatar telen çit tel bularaq öyrätü teoriäse häm praktikası» dip isemlängän fänni-ğamäli konferensiä ütkärälär. Bu konferensiä 18 dekaberdä, sişämbe könne Qazan pedagogika universitetında başlanıp kitäçäk. Şunısı qızıq, mondıy fänni çarada 20 yıl bue tatarlar belän ber uramda, ber yortta, xätta ber fatirda torıp ta, şuşı teldä söyläşergä öyränmägän ağaylar häm apalar da qatnaşırmı ikän?
XS
SM
MD
LG