Accessibility links

җомга, 9 декабрь 2016, Казан вакыты 08:53

«Veçernyaya Kazan'» gazetası Tatarstan mäktäplärendä tatar telen uqıtu-uqıtmau temasına turıdan-turı elemtä ütkärde


«Veçernyaya Kazan'» gazetası Tatarstan mäktäplärendä tatar telen uqıtu-uqıtmau temasına turıdan-turı elemtä ütkärde

Comğa könne «Veçernyaya Kazan'» gazetası tatar telen artıq qatı öyrätmilärme digän mäs'älä buença turıdan-turı elemtä ütkärde. Ämma, urıs telennän ğayre ber genä tel dä öyränergä telämäwçelär demokratiäne yaklıy, xoquqıy däwlät tözi alamı soñ? Redaksiägä şaltıratuçılar arasında tatar telen yaklawçılar da tabıldı. Tatarlar üzara tüğan tellärendä söyläşsälär, başqa millätlärne tatar telen öyränergä uğetläw kiräk bulmas ide. Tel yäşäsen öçen iñ dörese — üz teleñdä söyläşü. Añlamağannar üzläre öçen kiräkle tellärne barı şul oçraq ta ğına saylap ala alalar. Baltıyk illärendä cirle millät üzara üz telendä söyläşü yulı belän saqladılar.

Tatarstanda tel, ädäbiät uqıtu buença uñay täcribä tuplağan uqu yortları da bar. Comğa könne şähärneñ Jilploşçadka mäxälläsendä urnaşqan 5 gimnaziä üzeneñ 10 yıllıq yubileen ütkärde. Menä şuşı uqu yortı nigezendä respublikada xätta xalıqara däräcädäge fänni konferensiälär ütä, anda aldınğı eş ısulları sınala. Dimäk, tırışqanda, xäräkät itkändä millätne häm milli tellärne yäşätep bula.

Ni qızğanıç, xäzergä kiläse yılğa tatar matbuğatına yazılunıñ näticäläre söendererlek tügel. «Komsomol'skaya pravda», «Rossiyskaya gazeta», «Trud» gazetalarına yazılu uzğan yılnıñ 90-95 protsentın täşkil itä. Ğomümän, üzäk basmalarnıñ äbünäçeläre sanı uzğan yılğı däräcäne üzıp kitkän. Ä respubliqa basmaları arttaraq bara. Xäer, Mäskäw basmalarına yazılu 1 dekaberdä tämamlandı. Ä Tatarstannıqılarğa yazılu xäzer dä däwam itä. Milli matbuğat häm millät öçen sınaw könnäre citte.

16 dekaberdä Tatarstan möselmannarı bötendönya möselmannarı belän beryulı Uraza bäyrämen ütkärä. Tatarstan möftie Ğosman xäzrät İsxakov şuşı uñaydan yakşämbe irtäsendä Märcäni mäçetendä bäyräm namazı uqıyaçaq. Şundıy uq bäyräm namazları Tatarstannıñ meñnän artıq mäçetlärendä dä ütäçäk.

Azatlıq radiosı öçen Tatarstan xäbärläre belän Qazannan Gölnaz İlgizär
XS
SM
MD
LG