Accessibility links

дүшәмбе, 5 декабрь 2016, Казан вакыты 05:36

3 dekaberdä Qazanda 10 plenar sessiä eşen däwam itte


3 dekaberdä Qazanda 10 plenar sessiä eşen däwam itte

Sessiäneñ kön tärtibendäge ber genä töp mäs'älä ide. Ul da bulsa — respublikanıñ kiläse yıl büdjetınıñ ikençe uqılışı. Läkin sessiäneñ başında deputat Tufan Minnullin şuşı arada gına Rusiä Däwlät Duamsında ikençe uqılışta qabul itelgän «Bötenrusiä xalıqları sanın alu turında»ğı qanun qabul itelü uñaennan, möräcäğätlär qabul itärgä digän täqdim kertte. Şulay itep, sessiäneñ berençe öleşendä deputalar byudjetqa törle östämälär kerttelär. Ayırım alğanda, toraq-kommunal' xucalığı, sälämätlek saqlaw, sotsial' yaklaw ölkälärenä birelgän aqçalar turında süz bardı. Tänäfestän isä sessiädä tatar xalqına häm Rusiä Däwlät Dumasına möräcägät tikşerelde.

Sessiä üzeneñ eşen başlağan könne tege yäki bu säyäsi partiä, ictimağıy oeşmalar wäkilläre İrek mäydanına cıelıp piket oeştıralar. Bu inde ber traditsiägä äwerelep bara buğay. Menä bu yulı da İrek mäydanında çirattağı ber piket üzdı. Anı kommunistlar firqase oeştırğan ide. 3 dekaber könne irtän ber unlap keşe İrek mäydanına kildelär. Alar qullarına «Bezgä ğadel saylawlar kiräk. Ä sezgä?», «Tatarstanlılarğa grajdanlıq xoquqları» digän häm başqa şundıeraq şiğar'lär totqannar ide. Xäer alar arsında iñ qızıqlısı «Küppartiäle demokratiäne taläp itäbez» digäne bulğandır, möğaen. Kommunistlardan mondıy taläplärne işetäse säereräk, anısı. Läkin nişliseñ, zamana üzgärgändä, kommunistlar partiäse genä ber urında tora almıy şul inde.
XS
SM
MD
LG