Bügen «Azatlıq» radiosınıñ Qazan byurosına Komi respublikasınıñ Usinsk şähärennän millättäşebez Gölfirä xanım Bädretdinova şaltırattı. Gölfirä xanım — Usinsk şähäreneñ tatar-başqort avtonomiäse sovetı räise. Qızıqsınuçılar öçen berniçä fakt. Komi — Rusiäneñ tönyağında urnaşqan respubliqa. Anıñ mäydanı — 400 meñ kvadrat kilometrdan az ğına zurıraq. Anda millionnan artıq xalıq yäşi. Şular arasında millättäşlärebez dä bar. Tatarlar Komi respublikasında ällä ni küp bulmasa da millättäşlärebez bu respublikada şaqtıy ğına aktiv milli tormış alıp baralar. Anda uñışlı ğına tatar-başqort milli-mädäni avtonomiäse eşläp kilä. Sabantuylar, mili kiçälär, konsertlar, başqa şundıy milli, mädäni çaralar oeştırıla. Komi respublikasında bulıp qaytqan Qazan qunaqları andağı millättäşlärebez turında şaqtıy quanıçlı xäbärlär söyläde. Cirle xaqimiät belän da tatarlarnıñ araları naçardan tügel.
Läkin Usinsk şähärendä yäşäwçe Gölfirä xanım Bädretdinova bezgä bügen çirattağı milli-mädäni waqiğa turında söylämäde. Tizdän Komida saylawlar ikän. Komilıylar respubliqa başlığın saylıyaçaqlar. Şuşı uñaydan Komi respublikasında yäşäwçe tatarlar isemenä Tübän Qamadan ber möräcäğät kilep ireşkän. Bu möräcäğättä millättäşlärebezgä saylawlarda Torlopov kandidatın yaklarğa täqdim itelä. Qaydan kilgän, kem tarafınnan yazılğan soñ bu käğäz? Komi respublikası Usinsk şähäreneñ tatar-başqort avtonomiäse sovetı räise Gölfirä Ämir qızı Bädretdinova «Azatlıq» tıñlawçılarına Komida saylawlar aldınnan kilep çıqqan wazgiät turında söyläde.
Tatarlarnıñ tormışı belän qızıqsınu yäki alarğa bulışu tügel, iğtibar da itmägändä, xätta, kiresençä, bezneñ tizräk betüebezne teläp törle ğamällär qılğanda, ğadättägeçä inde törle saylawlar aldınnan yäki başqa säyäsi maqsatlarda tatarlarnı qullanu haman da däwam itä.
Gölnaz İlgizär
Läkin Usinsk şähärendä yäşäwçe Gölfirä xanım Bädretdinova bezgä bügen çirattağı milli-mädäni waqiğa turında söylämäde. Tizdän Komida saylawlar ikän. Komilıylar respubliqa başlığın saylıyaçaqlar. Şuşı uñaydan Komi respublikasında yäşäwçe tatarlar isemenä Tübän Qamadan ber möräcäğät kilep ireşkän. Bu möräcäğättä millättäşlärebezgä saylawlarda Torlopov kandidatın yaklarğa täqdim itelä. Qaydan kilgän, kem tarafınnan yazılğan soñ bu käğäz? Komi respublikası Usinsk şähäreneñ tatar-başqort avtonomiäse sovetı räise Gölfirä Ämir qızı Bädretdinova «Azatlıq» tıñlawçılarına Komida saylawlar aldınnan kilep çıqqan wazgiät turında söyläde.
Tatarlarnıñ tormışı belän qızıqsınu yäki alarğa bulışu tügel, iğtibar da itmägändä, xätta, kiresençä, bezneñ tizräk betüebezne teläp törle ğamällär qılğanda, ğadättägeçä inde törle saylawlar aldınnan yäki başqa säyäsi maqsatlarda tatarlarnı qullanu haman da däwam itä.
Gölnaz İlgizär