Accessibility links

дүшәмбе, 5 декабрь 2016, Казан вакыты 01:23

Rusiäneñ yuğarı mäxqamäse Tatarstan Konstitutsiäsen tikşerde


Rusiäneñ yuğarı mäxqamäse Tatarstan Konstitutsiäsen tikşerde

Rusiä yuğarı mäxqamäse 4 dekaberdä qabul itkän qarar nigezendä, Tatarstan Däwlät Şurası Respubliqa konstitutsiäsenä üzgäreşlär kertergä tieş. Russiä Yuğarı mäxqamäsenä Rusiä prokurorı urınbasarı A.Zvyagintsevnıñ kossatsion protestı, bilgele oppozitsioner, deputat A.Ştanin häm anıñ duslarınıñ kossatsion şikäyäte, häm Tatarstan däwlät şurasınıñ kossatsion şiqäyäte qaralğan. Rusiä Yuğarı mäxqämäse Tatarstannıñ Yuğarı mäxqämäse çığarğan qararınıñ qayber öleşlären köçennän çığarğan.

Näticädä, Tatarstan Däwlät Şurası federal qanunnarğa turı kilmägän Konstitutsiä mätdälärenä tözätmälär kertergä tieş. Şulay itep, Rusiä qanunnarı belän qarşılıqqa kergän mätdälär ğamäldän çığarılğan, dip sanala.

Töp qanunğa üzgärtämälär kertü, Tatarstannıñ säyäsi tormışı belän qızıqsınuçılar öçen yañalıq tügel älbättä. Ämmä şuşı mäxqämä eşläreneñ aktiv töstä alıp barılu säbäple, bu eş kiçekterelep kilde. Däwlät Şurasınıñ soñğı utırışında da RiZ digän xäräkätneñ äğzäse, Tatarstan deputatı Aleksandr Ştanin byudjetnı qaramıyça ğına, Konstitutsiäne tikşerügä küçik digän täkdim yanğıratqan ide. Bu täqdim, deputatlar tarafınnan yaklaw tapmadı. Mintimer Şäymiew tä Ştanin efändegä, sezneñ oyışmağız mäxqamäläşülären tämämlağaç Konstitutsiäne qararbız, dip cawap birgän ide. Yuğarı mäxqamäneñ qararı nigezendä, Rusiä Prokurorı urınbasarı Zvyagintsevnıñ da, Ştanin törkemeneñ dä şiqayäte yañadan qaralırğa tieş. Yäğni, mäxqamäläşülär ale tämamlanmadı.
XS
SM
MD
LG