Accessibility links

якшәмбе, 4 декабрь 2016, Казан вакыты 19:31

Rusiä Federatsiäse Yuğarı mäxkämäsendä Tatarstan Konstitutsiäsen tikşerü näticäläre


Rusiä Federatsiäse Yuğarı mäxkämäsendä Tatarstan Konstitutsiäsen tikşerü näticäläre

Xäbär itkänebezçä, düşämbe könne Mäskäwdä Rusiä Yuğarı mäxkämäse Tatarstan Däwlät Şurasınıñ häm Rusiä Federatsiäse general' prokurorı urınbasarı Zvyaginzevnıñ Tatarstan Yuğarı mäxkämäseneñ 3 oktäberdä qarağan grajdanlıq eşlärenä häm Aleksandr Ştanin, İldus Soltanov, Mäsxud Xäfizovlarnıñ 8 oktäberdäge berençe instansiä mäxkämä qararına şiqayätlären tikşerde. Mäğlüm ki, berençe mäxkämä eşendä süz Tatarstan qanunnarı xaqında bara, ä «Rawnoprawie i zakonnost'» ictimağıy oeşması wäkilläre şiqayäte buença quzğatılğan mäxkämä eşendä Tatarstan Däwlät Şurasınıñ legitimlığı turında süz bara. 4 noyäberdä bulğan Rusiä Yuğarı mäxkämäse utırışında älege mäxkämä eşlären yañadan berençe instansiä mäxkämägä qaytarırğa qarar itelde.

Rusiä general' prokurorı urınbasarı Aleksandr Zvyaginzev oktäber başında Tatarstan Konstitutsiäseneñ 42 maddäsen federal' normalarğa turı kilmäw säbäple ğamäldä tügel, dip tanu turındağı ğarizasın tikşergän ide. Tatarstan Yuğarı mäxkämäse ğarizanıñ qayber öleşen känäğätländermäde, şunnan soñ Zayaginzev kassatsion şiqayät birde. Tatarstan Däwlät Şurası da sud qararı belän kileşmäde häm respubliqa Yuğarı mäxkämäse qararınıñ Konstitutsiäseneñ 22 maddäsenä qağılışlı öleşenä şiqayät belderde. Menä xäzer bu kassatsion şiqayätlär yañadan Tatarstan Yuğarı mäxkämäsenä qaytarıla. Monıñ belän närsä bula soñ?

İnde «Zvezda Povolj'ya» gazetası berençe bitendä düşämbe könne Rusiä Federatsiäse Yuğarı mäxkämäse Tatarstan Konstitutsiäseneñ 41 maddäsen ğamäldä tügel, dip tanıdı. Monıñ belän mäxkämä qararınnan bu düşämbedän rayon administratsiäse başlıqları Däwlät Şurasında bulırğa xaqlı tügel, bulıp çığa. Deputatalar arasında adaministarsiä başlıqları kübräk bulğanğa kürä Däwlät Şurası avtomat räweştä üzeneñ legitimlığın yuğalta, dip yazıp çıqtı. Däwlät Şurası räise Färit Möxämmätşin Tatar-İnform agentlığına birgän maxsus kommentarienda bügenge köngä respublika Konstitutsiäseneñ qayber maddäläre genä tuqtatılıp tora, dip yazdı. Barı tik 3 maddä federal' qanunnarğa tulısınça qarşı kilä, dip tanıldı. Alar 126, 149 häm 157 maddälär. Rusiä Federatsiäseneñ qararı tulaem Däwlät Şurasınıñ da, aerım deputatlarnıñ wäqälätlären avtomat räweştä tuqtatıluın kiterep çığarmıy, dip belderde Färit Möxämmätşin.

Pänceşämbe könne Tatarstan Däwlät Şurasınıñ qanun çığaru, qanunlılıq, reglament häm deputat etikası mäs’äläläre komissiäse räise Midxät Kormanov «Azatlıq» radiosına telefonann bu mäs’älägä Däwlät Şurası räiçe Färit Möxämmätşin ğına kommentariy birügä waqälätle, dide. Ul şulay uq östäp, äle kiläse atnağa Rusiä Konstitutsiä mäxkämäse qararı bulaçaq, dide. Midxät äfände fikerençä, Konstitutsiä mäxkämäse qararı Tatarstan parlamentı mäs’äläsen uñay xäl itäçäk. Yäğni, bu çaqırılış Däwlät Şurası möddäte axırına qadär eşläyäçäk. Şulay da respublika cämäğätçelege Rusiä qanunnarı belän Tatarstan qanunnarın tängälläşterü protsessı pat situatsiäsenä kergänen añlıylar.

Yunıs Ätnäle
XS
SM
MD
LG