Accessibility links

якшәмбе, 4 декабрь 2016, Казан вакыты 21:42

Tatarstanda — Ramazan ayı


Tatarstanda — Ramazan ayı

Rusiäneñ yaña ministrınıñ şuşı süzlären raslağanday, comğa könne Tatarstan radiosınıñ irtänge tapşıruları Tatarstan Diniä nazaräte räise möfti Ğosman xäzrät İsxaqıy wäğäze belän başlanıp kitte. Ğosman xäzrät izge Ramazan aenıñ soñğı atnasına kerüebezne iskärtep, tağın ber qabat Tatarstan xalqına sawaplı eşlär, bigräk tä fäqıyrlärgä, invalidlarğa, ğarip-görabalarğa yärdäm itü farızlığın fitr sädäqäse birü tärtiplären söyläde. Ğadät buença, Tatarstanda Uraza totuçılar sanınıñ bıel tağın da artuın äytte. Konkret sannar kitermäsä dä, bu şulay, monısı küz aldında. Ğosman xäzrät möselmannarça tıynaqlıq belän, Vladimir Zorin iskä alğan İslam faktorın säyäsi mäsälälärgä tuqtalıp tormadı. Gärçä, Tatarstan cämäğätçelege bıel dönyada Ramazan aenıñ tınıç ütmäwen añlap, küñellärenän kiçerep yäşilär.

Ramazan aena kerü uñaennan Tatarstan Prezidentı Mintimer Şäymiew belän oçraşqannan soñ yomğaq yasap, Ğosman xäzrät, «äñgämä küpqorlı buldı, söyläşü berençe çiratta, 16 noyäberdä başlanaçaq izge Ramazan aena qağıldı», dide häm Äfğanstan nizağınıñ şuşı waqıtqa tögällänüe ixtimalına tirän borçılu beldergän ide. Nigä Ramazan aenda da nizağlar, suğışlar tuqtatılmıy? Nigä möselman illärendä tınıçlıq yuq? digän sorawlarnı Ramazan aenda küplärne borçığandır. Comğa könne şuşı temağa yäş buın wäkile, zaman keşese buluın iskä alıp, Tatarstan Diniä nazaräte räise urınbasarı Waliulla xäzrät belän äñgämä qordım (audio).
XS
SM
MD
LG