Accessibility links

шимбә, 10 декабрь 2016, Казан вакыты 19:40

Berençe tatar serialı Tatarstan tamaşaçıları iğtibarına täqdim itelä


Berençe tatar serialı Tatarstan tamaşaçıları iğtibarına täqdim itelä

Bügenge xäbäremä Tatarstannıñ mädäni tormışındağı ber yañalıq yomğaq bulsın. Tatarstan televideniesendä pänceşämbe könne «Kitäm dimä» digän 5 seriälı fil'm-spektakl'ne täqdim itüe buldı. «Kitäm dimä» spektaklen Nabirä Gıymatdinova poveste bueneça rejisser Nuraniä Cämäli töşergän. Töp rol'lärne Ğaliäskär Kamal teatrı Rinat Tacetdinov, Lyutsiä Xämitova, Äsxät Xismatov, Asiä Ğalieva başqaralar. Sänğat belgeçläre inde bu fil'm-spektakl'gä milli kino sänğatebez tarixında berençe küpseriälı fil'm digän bäya birdelär häm bu fil'mnı Mäskäw rejisserı Bulat Mansurovnıñ niçämä-niçä yıllar tämamlıy almağan «Bolğarnıñ cılı cilläre» näfis fil'mına al'ternativa itep kürälär. Şulay uq bu fil'mda Tatarstannan çittä yäşäwçe millättäşlärebez yazmışı da çağıldırıla.

Ä inde eçtälegenä kilgändä, fil'mnı qarağan jurnalist Xämzä Badretdinov ul tormışnıñ üze kebek çuar, anda qaynar mäxäbbätkä, räximsez faciğağa, tatlı küreşülärgä, qaytarıp bulmaslıq yuğaltularğa, yaqtı tösle maturlıqqa, kiçerä almaslıq qırğıylıqqa — härnärsägä urın bar. Ul ziräk fälsäfi qağılğan tüzemle tatarnıñ üze şikelle, yılmayta häm yılata, dip yazdı.

Yunıs Ätnäle
XS
SM
MD
LG