Accessibility links

пәнҗешәмбе, 8 декабрь 2016, Казан вакыты 12:45

“Ğasırlar awazı” tatarlarnı çuqındıru tarixı turında


“Ğasırlar awazı” tatarlarnı çuqındıru tarixı turında

«Ğasırlar awazı» jurnalınıñ yaña ğına çıqqan sanında 16 ğasır urtasında Bua häm Sember öyäzlärendäge tatarlarnıñ yañadan möselman dinenä bäyläneşle tarixi dokumentlar basılğan. Möselman dinenä qaytırğa röxsät birüne sorap, Buadağı ikençe gildiä säwdägäre Möxämmäträxim Xösäyenov-Yähudin 1866 yılnıñ 4 sentäberendä Rusiä patşası Aleksandr ikençegä xat yazğan. «Ğasırlar awazı» jurnalınıñ şul uq sanında Sember gubernatorı Kossagovskinıñ Eçke eşlär ministrı Valuyevqa, qayber tatarlarnıñ yañadan islam dinenä qaytuları turında şiqäyät yazğan. Boyerğan häm Buinki awılları krestyannarı da 1868 yılda patşa taraflarına möselman dinenä qaytırğa röxsät sorap xat yullağannar. Alar üzläreneñ tatar isemnären quyğannar — Nigmatulla Yusupov, Aliäkbär Aitov, Xalit Maumotov häm başqalar. Alarğa Çıqıldım Wälişewo awılında yäşäwçe otstavkadağı soldat Nikolay Melişev üz awıldaşları isemennän şuşı ğözergä quşılğan.

Bälki ber dinnän ikençegä küçü yäki üz dineñdä qalu xoquqın härkemneñ üzendä qaldıru bik zur demokratik qazanış ikänen bez añlap citkermibezder. İmperatorlar, prezidentlar, gubernatorlar röxsätennän başqa küñeleñdä Allanı, Xodaynı, Möxämmät yäki Ğäysä piğämbärne yörtü härkemneñ şäxsi eşe. Häm, älbättä, mondıy ışanular öçen berkemdä däğwa belderä almıy. «Ğasırlar awazı» jurnalınıñ yaña sanında bik küp ğıbrätle yazmalar bar. Xaq tarixnı tögäl dokumentlar aşa öyränü mömkinlegen Tatarstan xökümäte qarşındağı Baş arxiv idaräseneñ «Ğasırlar awazı» jurnalı tudıra.
XS
SM
MD
LG