Accessibility links

Кайнар хәбәр

Qazan üzägendä yaña stadion bulaçaq


Qazan üzägendä yaña stadion bulaçaq

Qaywaqıtta federatsiä yäki xalıqara külämdäge çaralaranıñ faydası bik zur bula. Şimbä könne Tatarstan prezidentı Rusiäneñ tuplı xokey federatsiäse prezidentın qabul itte. Süz 2005 yılda Qazanda tuplı xokey buyınça dönya çempionatın ütkärü turında barğan. Gor'ki isemendäge Üzäk park qarşında şaqtıy cimerek xäldäge «Трудовые резервы» stadionı bar. Professional' belem birü sisteması fäqırlängäç bu stadion tağı da cimerek xälgä kilgän ide. Şulay da, Qazannıñ näq üzägendä yuğarı mäktäp uquçıları şöğellänä torğan bu stadion şähärgä xezmät itte. İnde xäzer bu stadion xalıqara däräcädä tözekländereläçäk, anda yasalma boz mäydançığı yasalıp, şunda tuplı xokey uynarğa, timerayaqçılar yarışı ütkärergä mömkinlek tuwaçaq. Bu stadionnı cihazlandıru suveren respublika tözügä qarağanda tizräk häm näticäleräk bulır dip ışanası kilä.
XS
SM
MD
LG